കൽപ്പറ്റ:-സംസ്ഥാന സർക്കാറിന്റെ തൊഴിലാളി വിരുദ്ധ നിലപാടുകൾക്കും ജനദ്രോഹ നയങ്ങൾക്കു മെതിരെ യു ഡി ടി എഫ് നേതൃത്വത്തിൽ ശക്തമായ പ്രക്ഷോഭം സംഘടിപ്പിക്കുമെന്ന് യു ഡി ടി എഫ് സംസ്ഥാന ജനറൽ കൺവീനറും എസ് ടിയു സംസ്ഥാന പ്രസിഡന്റുമായ അഡ്വ. എം.റഹമത്തുള്ള പ്രസ്താവിച്ചു. എസ് ടിയു ജില്ലാ സെക്രട്ടറിയേറ്റ് അംഗങ്ങളുടേയും ഫെഡറേഷനുകളുടെ ജില്ലാ പ്രസിഡണ്ട് സെക്രട്ടറിമാരു ടേയും സംയുക്ത യോഗം ഉദ്ഘാടനം ചെയ്തു സംസാരിക്കുകയായിരുന്നു അദേഹം. ജില്ലാ പ്രസിഡന്റ് സി.മൊയ്തീൻ കുട്ടി അദ്ധ്യക്ഷത വഹിച്ചു. ജൂലൈ 9 ന് നടക്കുന്ന ദേശീയ പണിമുടക്ക് വിജയിപ്പിക്കാൻ എല്ലാവരും രംഗത്തിറങ്ങണമെന്നും അദ്ദേഹം ആവശ്യപ്പെട്ടു.സംസ്ഥാന ജനറൽസെക്രട്ടറി കെ പി മുഹമ്മദ് അഷ്റഫ് മുഖ്യ പ്രഭാഷണം നടത്തി. പി.വി. കുഞ്ഞു മുഹമ്മദ് , ടി.ഹംസ, പാറക്ക മമ്മൂട്ടി , സി.മുഹമ്മദ് ഇസ്മായിൽ, തൈതൊടി ഇബ്രാഹിം, അബു ഗൂഡലായ്, എം.അലി, കെ.അബ്ദുറഹിമാൻ , ഇ.അബ്ദുറഹിമാൻ , എ.കെ.റഫീഖ്, പാറക്കൽ മുഹമ്മദ്, നാസർ പട്ടത്ത്, അലവി വടക്കേതിൽ; റജീഷലി; ടി.യൂസഫ്; മുനവ്വർ അഞ്ചുകുന്ന്; കെ.ടി. യൂസഫ്;റംല ഹംസ, റഹമത്ത് ഗഫൂർ, ടി. ഖാലീദ്, നസീർ വെള്ളമുണ്ട,അബ്ദുള്ള സി.എം, അസീസ് കൊരുവിൽ എന്നിവർ സംസാരിച്ചു.
