വയനാട് ബത്തേരിയിൽ കെ.എസ്.ആർ.ടി.സി. ബസ് മറിഞ്ഞ് 16 പേർക്ക് പരിക്ക്.
പുൽപ്പള്ളിൽ നിന്നും തൃശ്ശൂർക്ക് രാവിലെ എട്ടുമണിക്ക് പുറപ്പെട്ട കെ.എസ്.ആർ.ടി.സി ബസ് ആറാംമയിലിനും മൂന്നാം മൈലിനും ഇടയിൽ വനപാതയിൽ വച്ചാണ് അപകടത്തിൽപ്പെട്ടത്. അപകടത്തിൽപ്പെട്ട ബസ് റോഡിൽ നിന്നും വലതുവശത്തേക്ക് തെന്നി മറിഞ്ഞു . മഴയും അമിത വേഗതയുമാകാം കാരണമെന്ന് സംശയിക്കുന്നു. 16 യാത്രക്കാരാണ് ബസ്സിൽ ഉണ്ടായിരുന്നത്. എല്ലാവരെയും ബത്തേരി താലൂക്ക് ആശുപത്രിയിൽ പ്രവേശിപ്പിച്ചു.
