കല്പ്പറ്റ: ചെന്നൈയില് ഇന്നലെ ചേര്ന്ന മുസ്ലിം ലീഗ് ദേശീയ കൗണ്സില് യോഗത്തില് പുതിയ ദേശീയ കമ്മിറ്റി പ്രഖ്യാപനമുണ്ടായപ്പോള് ഏറ്റവും ആഹ്ലാദിച്ച ജില്ല വയനാടായിരുന്നു. വയനാട്ടുകാരിയായ ജയന്തി രാജന് മുസ്്ലിം ലീഗ് ദേശീയ അസിസ്റ്റന്റ് സെക്രട്ടറിയായത് വയനാടിന് അഭിമാനകരമായ അംഗീകാരമായി. ദലിത് – സ്ത്രീ പക്ഷ രാഷ്ട്രീയത്തില് ഇതിനകം ശ്രദ്ധേയ ഇടപെടല് നടത്തിയ ജയന്തി രാജന് നിലവില് വനിതാ ലീഗ് ദേശീയ സെക്രട്ടറി കൂടിയാണ്. പതിറ്റാണ്ടുകള് പിന്നിടുന്ന വയനാടന് ഹരിതരാഷ്ട്രീയത്തില് നിന്ന് ആദ്യമായാണ് ദേശീയ രാഷ്ട്രീയത്തിലെ ഇത്രയും ഉന്നതമായ പദവിയില് ഒരാളെത്തുന്നതെന്ന പ്രത്യേകതയും ജയന്തിയുടെ പുതിയ സ്ഥാനലബ്ദിക്കുണ്ട്. സാമൂഹ്യമുന്നേറ്റത്തില് പതിറ്റാണ്ടുകള് പിന്നിലായ വയനാട് ജില്ലയില് നിന്നുള്ള ഒരു വനിതാ നേതാവ് മുസ്്ലിം ലീഗിന്റെ അഖിലേന്ത്യാ ഭാരവാഹിത്വത്തിലെത്തുന്നതോടെ ദലിത് – സ്ത്രീ പക്ഷ രാഷ്ട്രീയത്തില് വലിയ മുന്നേറ്റങ്ങള്ക്ക് നാന്ദികുറിക്കാനാവും. രാജ്യത്തെ ദലിത് – സ്ത്രീ പക്ഷ രാഷ്ട്രീയത്തെയും അവ നേരിടുന്ന വെല്ലുവിളികളെയും അതീവ ഗൗരവത്തോടെയാണ് മുസ്്ലിംലീഗ് കാണുന്നതെന്ന പ്രഖ്യാപനം കൂടിയാണ് ജയന്തി രാജന്റെ പുതിയ പദവി. ‘രാഷ്ട്രീയ ജീവിതത്തിലെ അഭിമാന നിമിഷമാണിതെന്ന്’ ജയന്തി രാജന് പ്രതികരിച്ചു. ”രാജ്യത്തെ പിന്നാക്ക ദലിത് ന്യൂനപക്ഷങ്ങള്ക്ക് വേണ്ടി അഹോരാത്രം പരിശ്രമിക്കുന്ന ഒരു രാഷ്ട്രീയ പാര്ട്ടി അതിന്റെ അത്യുന്നത പദവകളിലൊന്നില് നിയമിച്ചതില് അഭിമാനമുണ്ട്. മുസ്്ലിം ലീഗ് ഉയര്ത്തിപ്പിടിക്കുന്ന രാഷ്ട്രീയത്തിന്റെ മഹത്വം കൂടിയാണിത് തെളിയിക്കുന്നത്. രാജ്യത്തെ അരക്ഷിതരായവര്ക്കും ദുരിതമനുഭവിക്കുന്നവര്ക്കും വേണ്ടി പ്രവര്ത്തിക്കാനുള്ള ഊര്ജ്ജം വര്ധിപ്പിക്കുന്നതാണ് പുതിയ ഉത്തരവാദിത്വം. വയനാട്ടിലെ ഏറ്റവും സാധാരണ കുടുംബത്തില് നിന്നും വരുന്ന ഒരാളെന്ന നിലയില് സ്ത്രീകളുടെയും പിന്നാക്ക വിഭാഗങ്ങളുടെയും ദുരിതങ്ങള് നേരിട്ടറിയാം. അവ പരിഹരിക്കുന്നതിനും അഭിമാനകരമായ അസ്ഥിത്വം ഉറപ്പാക്കുന്നതിനും വേണ്ടിയുള്ള പ്രവര്ത്തനങ്ങള്ക്ക് ദേശീയ അസി. സെക്രട്ടറി പദവി വലിയ രീതിയില് സഹായകമാവും.” ജയന്തിര രാജന് പറഞ്ഞു. പുല്പള്ളി ഇരുളം സ്വദേശിയായ ജയന്തി, പൂതായി ഗ്രാമപഞ്ചായത്ത് അംഗമായാണ് ആദ്യമായി ജനപ്രതിനിധിയാവുന്നത്. അഞ്ചുകുന്ന് ഡിവിഷനില് നിന്നും പനമരം ബ്ലോക്ക് പഞ്ചായത്ത് അംഗമായും പ്രവര്ത്തിച്ചിട്ടുണ്ട്. രാജനാണ് ഭര്ത്താവ്. സോഫ്റ്റ്വെയര് എഞ്ചിനീയറായ രാജീവ് രാജന്, ബി.ഡി.എസ് അവസാന വര്ഷ വിദ്യാര്ത്ഥിനി രഞ്ജുഷ രാജന് എന്നിവര് മക്കള്.
ഒരു കുട്ടിയുടെ വളർച്ചയിൽ ഏറ്റവും പ്രധാന പങ്കുവഹിക്കുന്നത് അവരുടെ മാതാപിതാക്കളാണ്. പ്രത്യേകിച്ച് ഭിന്നശേഷിയുള്ളതോ അല്ലെങ്കിൽ വളർച്ചയിൽ പ്രത്യേക പിന്തുണ ആവശ്യമായതോ ആയ കുട്ടികളെ പരിപാലിക്കുമ്പോൾ, മാതാപിതാക്കളുടെ ഉത്തരവാദിത്തം...
മാനന്തവാടി: നീറ്റ് പേപ്പര് ചോര്ച്ചയില് ധര്മ്മേന്ദ്ര പ്രധാന്റെ രാജി ആവശ്യപ്പെട്ടു നടന്ന സമരത്തിന് നായകത്വം വഹിച്ച പ്രിയങ്ക ഗാന്ധി എം പിക്ക് വയനാട്ടിലെ വിവിധ കോളജുകളിലെ വിദ്യാര്ഥികള്...
കൽപ്പറ്റ: വിവിധ സംസ്ഥാനങ്ങളിലെയും കേന്ദ്ര പോലീസ് സേനയിലെയും ഉദ്യോഗസ്ഥർക്കായി ഹൈദ്രാബാദിലെ സെൻട്രൽ ഡിറ്റക്ടീവ് ട്രെയിനിംഗ് ഇൻസ്റ്റിറ്റ്യൂട്ടിൽ (CDTI) സംഘടിപ്പിച്ച നർകോടിക് കേസുകളുടെ അന്വേഷണ പരിശീലനത്തിൽ വയനാട് ജില്ലാ...
മാനന്തവാടി: ലഹരിവിരുദ്ധ സന്ദേശം സമൂഹത്തിലേക്ക് പകർന്നുനൽകുക എന്ന ലക്ഷ്യത്തോടെ മുതിരേരി ലിറ്റിൽ ഫ്ലവർ ചർച്ചിന്റെ നേതൃത്വത്തിൽ ലഹരിക്കെതിരെ ഗോളടിച്ച് എന്ന സന്ദേശവുമായി മിഷൻ ലീഗ് ഫുട്ബോൾ ടൂർണമെന്റ്...
നിലമ്പൂർ: ഗോത്ര മേഖലയിലെ പ്രശ്നങ്ങൾ സംബന്ധിച്ച് ഉദ്യോഗസ്ഥരുടെയും ആദിവാസി പ്രതിനിധികളുടെയും അവലോകനം യോഗം വിളിച്ച് പ്രിയങ്ക ഗാന്ധി എം.പി. നിലമ്പൂർ കെ. ടി. ഡി. സി. താമരിൻഡ്...
കൽപ്പറ്റ : രണ്ടാം വർഷത്തിലേക്ക് കടക്കുന്ന ഡോ. മൂപ്പൻസ് ലെഗസി സ്കോളർഷിപ്പ് ആന്റ് ഫെലോഷിപ്പ്സ് പ്രോഗ്രാം വിപുലീകരിച്ചു. കേരളത്തിലെ വിദ്യാർത്ഥികളിൽ പഠനത്തിൽ മികവ് പുലർത്തുന്നവരും എന്നാൽ സാമ്പത്തികമായി...
