കല്‍പ്പറ്റ:-വയനാട് പാര്‍ലമെന്റ് മണ്ഡലത്തില്‍ മത്സരിക്കുന്ന ഐക്യ ജനാധിപത്യ മുന്നണി സ്ഥാനാര്‍ത്ഥി രാഹുല്‍ ഗാന്ധിയുടെ തെരഞ്ഞെടുപ്പ് പ്രചരണ ഭാഗമായി യു ഡി വൈ എഫ് വയനാട് പാര്‍ലമെന്റ് മണ്ഡലം കമ്മിറ്റി നടത്തുന്ന പ്രചരണ ക്യാമ്പയിന്‍ കല്‍പ്പറ്റ നിയോജകമണ്ഡലത്തില്‍ യു.ഡി.എഫ് നിയോജകമണ്ഡലം ചെയര്‍മാന്‍ ടി ഹംസ ഉദ്ഘാടനം ചെയ്തു. മണ്ഡലം യു.ഡി.എഫ് കണ്‍വീനര്‍ പി പി ആലി മുസ്ലിം യൂത്ത് ലീഗ് ജില്ലാ പ്രസിഡണ്ട് എം.പി നവാസ് നിയോജകമണ്ഡലം യു.ഡി.വൈ.എഫ് ചെയര്‍മാന്‍ സി ശിഹാബ് കണ്‍വീനര്‍ ഡിന്റോ ജോസ് യുഡിഎഫ് നേതാക്കളായ മുജീബ് കെ എം തൊടി അലവി വടക്കേതില്‍ എന്‍ മുസ്തഫ പി കെ അഷ്‌റഫ് ഷാഫി പുല്‍പ്പാറ യൂത്ത് കോണ്‍ഗ്രസ് ജില്ലാ സെക്രട്ടറി അര്‍ഷല്‍ കോനാടന്‍ അസീസ് അമ്പിലേരി നൗഫല്‍ കല്‍പ്പറ്റ മുഹമ്മദ് ഫെബിന്‍ എന്നിവര്‍ നേതൃത്വം നല്‍കി. തുടര്‍ന്നുള്ള ദിവസങ്ങളില്‍ നിയോജകമണ്ഡലത്തിലെ മുഴുവന്‍ കേന്ദ്രങ്ങളിലും യുഡി വൈ എഫ് പഞ്ചായത്ത് കമ്മിറ്റികളുടെ നേതൃത്വത്തില്‍ സ്ട്രീറ്റ് വിത്ത് രാഹുല്‍ ഗാന്ധി എന്ന ക്യാമ്പയിന്‍ നടത്തും.
