കല്പ്പറ്റ നഗരസഭയില് ഇരുപത് വര്ഷത്തേയ്ക്കുള്ള വികസന പദ്ധതികള് ഉള്പ്പെടുത്തി നഗരാസൂത്രണ മാസ്റ്റര് പ്ലാന് തയ്യാറാക്കുന്നതിന്റെ ഭാഗമായി വികസന സെമിനാര് സംഘടിപ്പിച്ചു. കല്പ്പറ്റ ഗൂഡലായ്ക്കുന്ന് ഫുട്ബാള് ടര്ഫില് നടന്ന സെമിനാര് നഗരസഭാ ചെയര്മാന് കേയംതൊടി മുജീബ് ഉദ്ഘാടനം ചെയ്തു. നഗരസഭാ വൈസ് ചെയര്പേഴ്സണ് കെ. അജിത അധ്യക്ഷത വഹിച്ചു. ടൗണ് പ്ലാനര് ഡോ. ആതിര രവി, ഡെപ്യൂട്ടി ടൗണ് പ്ലാനര് കെ.എസ് രഞ്ജിത്ത് എന്നിവര് മാസ്റ്റര് പ്ലാന് രൂപീകരണത്തിന്റെ വിവിധ ഘട്ടങ്ങള് അവതരിപ്പിച്ചു. ചര്ച്ചയില് വിവിധ രാഷ്ട്രീയ കക്ഷിനേതാക്കള്, ജനപ്രതിനിധികള്, സംഘടനാ പ്രതിനിധികള് പൊതുജനങ്ങള് തുടങ്ങിയവര് കല്പ്പറ്റയുടെ വികസനത്തിനായി നഗരവികസനം, വികസന പദ്ധതികള്, ഗതാഗത സൗകര്യം, പാര്ക്കിംഗ്, പാര്പ്പിടം, കുടിവെള്ളം, കൃഷി, വ്യവസായം തുടങ്ങി വിവിധ മേഖലകളിലെ തങ്ങളുടെ കാഴ്ചപ്പാടുകള് പങ്കുവെച്ചു. റോഡുകളുടെ വീതി, റിംഗ് റോഡ്, ബൈ പാസ്സ് റോഡ് എന്നിവയുടെ നിര്മ്മാണം, നഗരസഭയിലെ ഓരോ മേഖലയിലെയും വികസന പദ്ധതികള് ഇനി നടപ്പിലാക്കുക മാസ്റ്റര് പ്ലാനിന്റെ അടിസ്ഥാനത്തിലായിരിക്കും. ജനങ്ങളുടെ നിര്ദ്ദേശങ്ങളും അഭിപ്രായങ്ങളും ക്രോഡീകരിച്ച് പ്രസിദ്ധീകരിക്കുന്ന കരട് മാസ്റ്റര് പ്ലാനില് ആക്ഷേപങ്ങള് അറിയിക്കുന്നതിന് ജനങ്ങള്ക്ക് അവസരമുണ്ടാകും. ആക്ഷേപങ്ങള് പരിശോധിച്ചതിനു ശേഷമാകും മാസ്റ്റര് പ്ലാന് അന്തിമമാക്കുക. ആഗസ്റ്റ് 15 വരെ നിര്ദ്ദേശങ്ങള് നഗരസഭയിലോ ടൗണ് പ്ലാനിങ് ഓഫീസിലോ നേരിട്ടോ masterplanwyd@gmail.com എന്ന ഇ-മെയില് വിലാസത്തിലോ സമര്പ്പിക്കാം. നഗരസഭാ സെക്രട്ടറി അലി അസ്കര് സ്റ്റാന്റിംഗ് കമ്മിറ്റി ചെയര്മാന്മാര് എന്നിവര് സംസാരിച്ചു.
*ബോധവല്ക്കരണ ക്യാമ്പയിന് തുടങ്ങി*
മുള്ളന്കൊല്ലി ഗ്രാമപഞ്ചായത്തിന്റെയും മുള്ളന്കൊല്ലി കുടുംബാരോഗ്യകേന്ദ്രത്തിന്റെയും സംയുക്താഭിമുഖ്യത്തില് മുള്ളന്കൊല്ലി ടൗണില് പകര്ച്ചവ്യാധി പ്രതിരോധ ബോധവല്ക്കരണ ക്യാമ്പയിന് ആരംഭിച്ചു. ബോധവത്്ക്കരണ ക്യാമ്പയിന് മുള്ളന്കൊല്ലി ഗ്രാമപഞ്ചായത്ത് പ്രസിഡന്റ് പി.കെ വിജയന് ഉദ്ഘാടനം ചെയ്തു. ‘നമ്മുടെ ആരോഗ്യം നമ്മുടെ കൈകളില്’ എന്ന സന്ദേശത്തോടെ ഡെങ്കിപ്പനി, എലിപ്പനി, വയറിളക്ക രോഗങ്ങള് തുടങ്ങിയ പകര്ച്ചവ്യാധികള്ക്കെതിരെ പ്രതിരോധ പ്രവര്ത്തനങ്ങള് ഊര്ജ്ജിതമാക്കുന്നതിന്റെ ഭാഗമായാണ് ക്യാമ്പയിന് സംഘടിപ്പിക്കുന്നത്. ജൂനിയര് ഹെല്ത്ത് ഇന്സ്പെക്ടര്മാരായ എ.പി സുധീഷ്, ശ്രുതി വിജയന്, പി.എന് ജിജു എന്നിവര് നേതൃത്വം നല്കി. ക്യാമ്പയിന്റെ ഭാഗമായി ജനപങ്കാളിത്തത്തോടെ ഗ്രാമ പഞ്ചായത്തിലെ മുഴുവന് വാര്ഡുകളിലും ഇന്ന് (വ്യാഴം) രാവിലെ മുതല് ആരോഗ്യ വകുപ്പിന്റെയും, ജനപ്രതിനിധികളുടേയും നേതൃത്വത്തില് ശുചീകരണ പ്രവര്ത്തനങ്ങള് നടത്തും.
കൽപ്പറ്റ : രണ്ടാം വർഷത്തിലേക്ക് കടക്കുന്ന ഡോ. മൂപ്പൻസ് ലെഗസി സ്കോളർഷിപ്പ് ആന്റ് ഫെലോഷിപ്പ്സ് പ്രോഗ്രാം വിപുലീകരിച്ചു. കേരളത്തിലെ വിദ്യാർത്ഥികളിൽ പഠനത്തിൽ മികവ് പുലർത്തുന്നവരും എന്നാൽ സാമ്പത്തികമായി...
തരിയോട്: തരിയോട് ഫൊറോന വൈദിക സമിതിയുടെ ആഭിമുഖ്യത്തിൽ ചേർന്ന ഫൊറോന വൈദിക സമ്മേളനത്തിൽ വിവിധ ജനകീയ-കാർഷിക വിഷയങ്ങൾ ഉന്നയിച്ച് മൂന്ന് പ്രമേയങ്ങൾ പാസാക്കി. പടിഞ്ഞാറത്തറ–പൂഴിത്തോട് റോഡിന്റെ നിർമ്മാണം...
കൽപ്പറ്റ: ജില്ലയില് അഞ്ച് കുട്ടികള്ക്ക് കൂടി ഷിഗെല്ല സ്ഥിരീകരിച്ചു. ഏഴാം തീയതി പരിശോധനയ്ക്ക് അയച്ച സാമ്പിളുകളുടെ ഫലമാണ് പോസിറ്റീവായത്. അഞ്ച്, ഏഴ്, എട്ട്, ഒമ്പത്, 11 വയസ്സുള്ള...
മാനന്തവാടി കോണ്ഗ്രിഗേഷന് ഓഫ് ദ സിസ്റ്റേഴ്സ് ഓഫ് ചാരിറ്റി ഓഫ് സെന്റ് വിന്സന്റ് ഡി പോള്(വിന്സന്ഷ്യന് സിസ്റ്റേഴ്സ്) സന്യാസിനീസമൂഹാംഗം സിസ്റ്റര് ഫ്രാന്സിസ്ക വടശേരില് എസ്സിവി(85)അന്തരിച്ചു. സംസ്കാരം നാളെ...
ഗുജറാത്തിലെ അഹമ്മദാബാദ് ഗാന്ധി നഗറിൽ വച്ചു നടന്ന ദേശീയ തല പഞ്ചഗുസ്തി ചാമ്പ്യൻഷിപ്പിൽ മാസ്റ്റേഴ്സ് വിഭാഗത്തിൽ (ഹെവി വെയ്റ്റ് ) രണ്ടാം സ്ഥാനം സ്ഥാനം നേടി വയനാട്...
തിരുവനന്തപുരം : സി.എം.ആർ.എൽ - എക്സാലോജിക് സാമ്പത്തിക ഇടപാടുമായി (മാസപ്പടി കേസ്) ബന്ധപ്പെട്ട് മുൻ കേരള മുഖ്യമന്ത്രി പിണറായി വിജയന്റെ മകൾ വീണ വിജയനെതിരെ എൻഫോഴ്സ്മെന്റ് ഡയറക്ടറേറ്റ്...
