കൊച്ചി: മലയാറ്റൂരിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയ 19 വയസ്സുള്ള ചിത്രപ്രിയയുടെ മരണത്തിന് പിന്നിൽ ആൺസുഹൃത്ത് തന്നെയെന്ന് പോലീസ്. കാമുകനായ 21 വയസ്സുകാരൻ അലനാണ് ഈ കൃത്യം ചെയ്തതെന്ന് സമ്മതിച്ചത്. കാണാതായി 4 ദിവസങ്ങൾക്കു ശേഷമാണ് ചിറയ്ക്ക് സമീപത്തെ ഒഴിഞ്ഞ പറമ്പിൽ കണ്ടെത്തുന്നത്.
പോലീസ് സിസിടിവി ദൃശ്യങ്ങൾ പരിശോധിച്ചപ്പോൾ, ഞായറാഴ്ച രാത്രി 1.53ന് ഇരുവരും ബൈക്കിൽ പോകുന്നതിന്റെ ദൃശ്യങ്ങൾ ലഭിച്ചു. അലനെ കസ്റ്റഡിയിലെടുത്ത് ചോദ്യം ചെയ്തപ്പോൾ ഇയാൾ കുറ്റം സമ്മതിച്ചു. മറ്റൊരാളുമായി ചിത്രപ്രിയക്ക് ബന്ധമുണ്ടെന്ന സംശയമാണ് ഇതിന് കാരണം എന്നാണ് അലന്റെ മൊഴി.
ബെംഗളൂരുവിലെ പഠനസ്ഥലത്ത് കാമുകനുണ്ടെന്ന അലന്റെ സംശയമാണ് സുഹൃത്തുക്കൾക്ക് ഒപ്പം കുടിച്ച ശേഷം രാത്രിയിൽ ഈ ദാരുണ സംഭവം നടത്തിയത്. കല്ലുകൊണ്ട് ചിത്രപ്രിയയുടെ തലയ്ക്ക് അടച്ചാണ് കൃത്യം നടത്തിയതെന്ന് അലൻ മൊഴി നൽകി. തലയുടെ പിന്നിൽ ആഴത്തിൽ മുറിവേറ്റ പാടുകൾ പ്രാഥമിക പരിശോധനയിൽ കണ്ടെത്തിയിരുന്നു. നിലവിൽ അലൻ പോലീസ് കസ്റ്റഡിയിലാണ്..
