രണ്ട് ദിവസങ്ങളിലായി നെന്മേനിയില് നടന്ന എ.ബി.സി.ഡി ക്യാമ്പില് 1554 പേര്ക്ക് ആധികാരിക രേഖകള് ലഭിച്ചു. 568 ആധാര് കാര്ഡുകള്, 409 റേഷന് കാര്ഡുകള്, 663 ഇലക്ഷന് ഐഡി കാര്ഡുകള്, 515 ജനന സര്ട്ടിഫിക്കറ്റ് സേവനങ്ങള്, 29 മരണ സര്ട്ടിഫിക്കറ്റ്, 135 ബാങ്ക് അക്കൗണ്ട്, 710 ഡിജിലോക്കര്, 73 വീട്ടു നമ്പര്, 116 ആരോഗ്യ ഇന്ഷുറന്സ് 1343 മറ്റു സേവനങ്ങള് എന്നിവയടക്കം 4561 സേവനങ്ങള് ക്യാമ്പിലൂടെ നല്കാന് കഴിഞ്ഞു. ജില്ലാ ഭരണകൂടത്തിന്റെ നേതൃത്വത്തില് ഐ ടി വകുപ്പ്, അക്ഷയ, തദ്ദേശ സ്വയംഭരണ വകുപ്പ്, പട്ടികവര്ഗ വകുപ്പ്, എന്നിവയുടെ സംയുക്ത ആഭിമുഖ്യത്തില് വിവിധ സര്ക്കാര് വകുപ്പുകളുടെയും ബാങ്കുകളുടേയും സഹകരണത്തോടെയാണ് കോളിയാടി ഫാ. ജേക്കബ് മനയത്ത് മെമ്മോറിയല് പാരിഷ് ഹാളില് ക്യാമ്പ് സംഘടിപ്പിച്ചത്. നെന്മേനി ഗ്രാമപഞ്ചായത്ത് ഭരണസമിതിയുടെ സഹായത്തോടെ മാനന്തവാടി സബ് കളക്ടര് ആര്. ശ്രീലക്ഷ്മിയുടെ നേതൃത്വത്തില് ജില്ലാ ഭരണകൂടമാണ് ക്യാമ്പ് ഏകോപിപ്പിച്ചത്. തദ്ദേശ സ്വയംഭരണം, പട്ടികവര്ഗ്ഗ വികസന വകുപ്പ്, ഐ ടി മിഷന്, അക്ഷയ ജില്ലാ പ്രോജക്ട് ഓഫീസ്, റവന്യു തുടങ്ങി 18 വിഭാഗം ഓഫീസുകളാണ് ക്യാമ്പില് പ്രവര്ത്തിച്ചത്. ക്യാമ്പില് പങ്കെടുക്കാന് കഴിയാതിരുന്നവര്ക്ക് അക്ഷയ കേന്ദ്രം ഒരുക്കിയിട്ടുള്ള ഗോത്ര സൗഹൃദ കൗണ്ടറുകള്വഴിയും സേവനങ്ങള് ലഭ്യമാകും. സമാപന സമ്മേളനം സബ് കളക്ടര് ആര്. ശ്രീലക്ഷ്മി ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ഷീല പുഞ്ചവയല് അധ്യക്ഷത വഹിച്ചു. വൈസ് പ്രസിഡന്റ് റ്റിജി ചെറുതോട്ടില്, ബ്ലോക്ക് ക്ഷേമ കാര്യ സ്റ്റാന്റിംഗ് കമ്മിറ്റി ചെയര്മാന്മാരായ എടക്കല് മോഹനന്, അനീഷ് ബി നായര്, സ്ഥിരം സമിതി അധ്യക്ഷരായ ജയ മുരളി, കെ.വി. ശശി, സുജാത ഹരിദാസ്, ഷാജി കോട്ടയില്, ടി.ഡി.ഒ ജി. പ്രമോദ്, അക്ഷയ കോര്ഡിനേറ്റര് ജിന്സി ജോസഫ്, പഞ്ചായത്ത് അസി. സെക്രട്ടറി സി. പ്രമോദ്, ടി.ഇ.ഒ കെ.ആര് ഷൈനി തുടങ്ങിയവര് സംസാരിച്ചു.
കൊച്ചി: നാലാമത് ഫെഡറൽ ബാങ്ക് കൊച്ചി മാരത്തണിന് മുന്നോടിയായി പ്രൊമോ റൺ സംഘടിപ്പിച്ചു. രാവിലെ ആറിന് രാജേന്ദ്ര മൈതാനത്ത് നിന്നാരംഭിച്ച റൺ ഫെഡറൽ ബാങ്ക് റീജണൽ ഹെഡും...
ബത്തേരി : ലെൻസ്ഫെഡ് ജില്ലാ സമ്മേളനത്തിന് തുടക്കം കുറിച്ച് കൊണ്ട് ജില്ലാ പ്രസിഡണ്ട് അറക്കൽ ഹാരിസ് പതാക ഉയർത്തി. ജില്ലാ ജോയിൻ്റ് സെക്രട്ടറി മുസ്തഫ അനുശോചന പ്രഭാഷണം...
കൽപ്പറ്റ: മെക് 7 വയനാട് ജില്ലാ മെഗാ സംഗമം കൽപ്പറ്റ എം.സി.എഫ് പബ്ലിക് സ്കൂൾ ഗ്രൗണ്ടിൽ വിപുലമായ ജനപങ്കാളിത്തത്തോടെ നടന്നു. മെക് 7 സ്ഥാപകനും ക്യാപ്റ്റനുമായ സലാഹുദ്ദീൻ...
കൊച്ചി:ജലാശയങ്ങളിൽ കുളവാഴകൾ സൃഷ്ടിക്കുന്ന പാരിസ്ഥിതിക വെല്ലുവിളികൾക്ക് പരിഹാരം കാണുന്നതിനും അവയുടെ ഫലപ്രദമായ മൂല്യവർദ്ധനവിനും വിനിയോഗത്തിനുമായുള്ള നൂതന മാർഗങ്ങൾ ചർച്ച ചെയ്യുന്നതിനുമായി കൊച്ചി ജെയിൻ സർവകലാശാലയുടെ ഫ്യൂച്ചർ കേരള...
2024 ജൂലൈ 30ന് ഉരുളെടുത്ത് പോയ മുണ്ടക്കൈ, ചൂരല്മല പ്രദേശത്തെ കുടുംബങ്ങള്ക്കായി തമിഴ്നാട് ജമാഅത്തുല് ഉലമ സഭ നിര്മ്മിച്ച 14 വീടുകളുടെ താക്കോല്ദാനം നാളെ പദ്ധതി പ്രദേശമായ...
