ഫാ. തോമസ് ഒറ്റപ്ലാക്കൽ മാനന്തവാടി: മാനന്തവാടി രൂപതാംഗം ഫാ. തോമസ് ഒറ്റപ്ലാക്കൽ (69) നിര്യാതനായി. ചെറുപുഷ്പ സഭയുടെ (സി.എസ്.ടി) മൂക്കന്നൂരുള്ള മൈനർ സെമിനാരിയിൽ പരിശീലനം തുടങ്ങിയ ശേഷം മാനന്തവാടി രൂപതയിൽ ചേർന്ന് കാർമൽഗിരി സെമിനാരിയിൽ നിന്ന് തത്വശാസ്ത്രപഠനവും മംഗലപ്പുഴ സെമിനാരിയിൽ നിന്ന് ദൈവശാസ്ത്ര പഠനവും പൂർത്തിയാക്കി. റീജൻസി ബോയ്‌സ് ടൗണിലായിരുന്നു പ്രായോഗിക പരിശീലനം. വൈദികപരിശീലനം പൂർത്തിയാക്കിയ തോമസ് ഒറ്റപ്ലാക്കൽ 1983 ഡിസംബർ 22-ന് മാനന്തവാടി രൂപതയുടെ പ്രഥമ മെത്രാൻ മാർ ജേക്കബ് തൂങ്കുഴിയിൽ നിന്നാണ് പൗരോഹിത്യം സ്വീകരിച്ചത്. തരിയോട്, കല്പറ്റ, ഒലിവുമല പള്ളികളിൽ സഹവികാരിയായും ചാരിറ്റി, കല്പറ, പുല്പള്ളി, ഒണ്ടയങ്ങാടി, എടപ്പെട്ടി, വാളവയൽ, ആറാട്ടുതറ, പട്ടാണിക്കൂപ്പ്, ചേലൂർ, മക്കിയാട്, അമരക്കുനി ഇടവകകളിൽ വികാരിയായും സേവനമനുഷ്ഠിച്ചു. ചെറുപുഷ്പ മിഷൻ ലീഗ്, കെ.സി.വൈ.എം എന്നീ സംഘടനകളുടെ ഡയറക്ടറായും വിശ്വാസ പരിശീലനവിഭാഗത്തിന്റെ അസി. ഡയറക്ടർ, ഡയറക്ടര്‍ എന്നീ നിലകളിലും പ്രവർത്തിച്ചു. 2022മുതൽ ദ്വാരക വിയാനിഭവനിൽ വിശ്രമത്തിലും ചികിത്സയിലുമായിരുന്നു. പിതാവ്: താമരശ്ശേരി കൂരാച്ചുണ്ട് ഇടവകയിലെ പരേതനായ ഒറ്റപ്ലാക്കൽ ജോസഫ്. മാതാവ്: പരേതയായ മറിയം. സഹോദരങ്ങൾ: ജോസഫ്, സണ്ണി, മേരി, സിസിലി, അന്നക്കുട്ടി, റീന. മൃതദേഹം ശനിയാഴ്ച രണ്ടുവരെ ദ്വാരക പാസ്റ്ററൽ സെൻ്ററിൽ പൊതുദർശനത്തിന് വെക്കും. വൈകീട്ട് മൂന്നോടെ മാനന്തവാടി രൂപത ബിഷപ്പ് മാർ ജോസ് പൊരുന്നേടത്തിന്റെ മുഖ്യകാർമികത്വത്തിൽ ദ്വാരക വൈദിക സെമിത്തേരിയിൽ സംസ്കരിക്കും. സഹായമെത്രാൻ മാര്‍ അലക്സ് താരാമംഗലം, വികാരി ജനറാള്‍ മോണ്‍. പോള്‍ മുണ്ടോളിക്കല്‍ എന്നിവര്‍ സഹകാര്‍മികരാവും.
#മിഡിൽ ഈസ്റ്റിൽ നിന്നും ഇന്ത്യ ഉൾപ്പെടെയുള്ള ഏഷ്യൻ രാജ്യങ്ങളിലേക്കുള്ള പണമിടപാടിന് സർക്കിളിന്റെ ഡിജിറ്റൽ ഡോളറായ USDC ഇനി മുതൽ ഉപയോഗപ്പെടുത്തും. കൊച്ചി: രാജ്യാന്തര തലത്തിൽ കറൻസി വിനിമയത്തിന്...
കല്‍പ്പറ്റ: ഇടതു സര്‍ക്കാര്‍ കഴിഞ്ഞ എട്ടര വര്‍ഷമായി തുടരുന്ന അധ്യാപക ദ്രോഹ നടപടികള്‍ അവസാനിപ്പിക്കണമെന്ന് ഐ.എന്‍.ടി.യു.സി ജില്ലാ പ്രസിഡന്റ്.പി ..പി .ആലി ആവശ്യപ്പെട്ടു. പങ്കാളിത്ത പെന്‍ഷന്‍ പദ്ധതി...
പാലക്കാട്.. കല്ലടിക്കോടിൽ സ്കൂള്‍ വിദ്യാര്‍ത്ഥികള്‍ക്കിടയിലേക്ക് ലോറി ഇടിച്ചുകയറി അപകടത്തിൽ മരിച്ച നാല് വിദ്യാർത്ഥികളുടെയും പോസ്റ്റ്മോർട്ടം പൂർത്തിയായി. അപകടത്തിൽ റോഡിലൂടെ നടക്കുകയായിരുന്ന നിരവധി വിദ്യാര്‍ത്ഥികള്‍ക്ക് പരിക്കേറ്റു. ഇന്ന് വൈകിട്ട്...
കല്‍പ്പറ്റ: ചൂരല്‍മല-മുണ്ടക്കൈ ഉരുള്‍പ്പൊട്ടല്‍ ദുരന്തബാധിതരുടെ പുനരധിവാസം ഇനിയും വൈകിയാല്‍ സംസ്ഥാനവ്യാപകമായി വലിയ സമരങ്ങള്‍ക്ക് നേതൃത്വം നല്‍കുമെന്ന് പ്രതിപക്ഷനേതാവ് വി ഡി സതീശന്‍. അടിയന്തരമായി സര്‍വകക്ഷിയോഗം വിളിച്ചുചേര്‍ത്ത് തുടര്‍നടപടികളിലേക്ക്...
കൽപ്പറ്റ: കേന്ദ്ര സർക്കാർ ആവിഷ്കരിച്ച മുതിർന്ന പൗരന്മാർക്കുള്ള ഇൻഷുറൻസ് പദ്ധതിയായ പ്രധാൻ മന്ത്രി ജൻ ആരോഗ്യ യോജന പദ്ധതിയിൽ ചേരാനായുള്ള വയസ്സ് 70 എന്നുള്ളത് 65 വയസ്സായി...
കോഴിക്കോട്: തൂണേരിക്കാരനായ കരാറുകാരന്‍ ദാസന്‍ കെ.കെ. 35 വര്‍ഷമായി ഉപയോഗിക്കുന്നത് എസിസി ഉല്‍പ്പന്നങ്ങള്‍ മാത്രം. ജില്ലയുടെ വിവിധ ഭാഗങ്ങളിലായി ഇതിനകം 500ലേറെ വീടുകള്‍ ദാസന്‍ നിര്‍മിച്ചിട്ടുണ്ട്. 1988ല്‍...
