കൽപ്പറ്റ:വയനാട് ജില്ലാ ക്ഷീര കർഷക സംഗമം
21- മുതൽ മീനങ്ങാടിയിൽ നടക്കുമെന്ന് സംഘാടക സമിതി ഭാരവാഹികൾ വാർത്താ സമ്മേളനത്തിൽ അറിയിച്ചു.
വയനാട്ടിലെ ക്ഷീരമേഖലയുടെ സാദ്ധ്യതകളും അഭിമുഖീകരിക്കുന്ന വെല്ലുവിളികളും ചർച്ചചെയ്യപ്പെടുന്നതിനും പരിഹാരമാർഗ്ഗങ്ങൾ കണ്ടെത്തുന്നതിനും പുതുതലമുറയെ ക്ഷീരമേഖലയിലേക്ക് ആകർഷിക്കുന്നതിനും ഭക്ഷ്യസുരക്ഷയും, പോഷകസുരക്ഷയും ഉറപ്പുവരുത്തുന്നതുവഴി ഗ്രാമീണ സമ്പദ്ഘടന ശക്തിപ്പെടുത്തുന്നതിനും വേണ്ടിയാണ് പരിപാടി നടത്തുന്നത്.
ക്ഷീര വികസന വകുപ്പിന്റെയും വയനാട് ജില്ലയിലെ ക്ഷീര സഹകരണ സംഘങ്ങളുടേയും സംയുക്താഭിമുഖ്യത്തിൽ മീനങ്ങാടി ക്ഷീരോൽപാദക സഹകരണ സംഘത്തിന്റെ ആതിഥേയത്വത്തിൽ വയനാട്ടിലെ മുഴുവൻ ക്ഷീര കർഷകരെയും പങ്കെടുപ്പിച്ച് ഡിസംബർ 21 മുതൽ 23 വരെയാണ് മീനങ്ങാടിയിൽ വെച്ച് വയനാട് ജില്ലാ ക്ഷീരകർഷക സംഗമം നടത്തുനത് .
21 ന് വൈകിട്ട് 4 മണിക്ക് വിളംബര ജാഥയോടു കൂടി ആരംഭിക്കുന്ന ക്ഷീര സംഗമത്തിൽ 22- ന് രാവിലെ 8 മണിക്ക് ചൂതുപാറയിൽ വെച്ച് കന്നുകാലി പ്രദർശനവും 10 മണിക്ക് ക്ഷീര സംഘം പ്രസിഡണ്ട്, സെക്രട്ടറി, ഭരണസമിതി അംഗങ്ങൾ, ജീവനക്കാർ എന്നിവർക്കുള്ള “അതിജീവനം ആത്മ വിശ്വാസത്തിലൂടെ എന്ന വിഷയത്തിൽ അഡ്വ. ദിനേശ് വാര്യർ നടത്തുന്ന മോട്ടിവേഷൻ ക്ലാസ്സ്, തുടർന്ന് ഡയറി ക്വിസ്സ്, വിവിധ ക്കുന്നതാണ്. തത്സമയ മത്സരങ്ങൾ എന്നിവ ഉണ്ടായിരി
23 ന് രാവിലെ 9.30 ന് മീനങ്ങാടി സെന്റ് മേരീസ് സൂനോറോ ചർച്ച് ആഡിറ്റോ റിയത്തിൽ ആരംഭിക്കുന്ന ക്ഷീരകർഷക സെമിനാറിൽ ഡോ.ഷൺമുഖവേൽ “കന്നു കാലികളിലെ രോഗങ്ങളും പരിഹാരമാർഗ്ഗങ്ങളും” എന്ന വിഷയത്തിൽ ക്ലാസ്സെടുക്കും.
സമാപന സമ്മേളനം ക്ഷീരവികസന മൃഗസംരക്ഷണ വകുപ്പ് മന്ത്രി ജെ ചിഞ്ചുറാണി രാവിലെ 11.30 ന് ഉദ്ഘാടനം നിർവഹിക്കും. ചടങ്ങിൽ ജില്ലയിലെ എം.എൽ.എ.മാരായ .ഐ.സി.ബാലകൃഷ്ണൻ, അഡ്വ. ടി സിദ്ധിഖ്, ഒ.ആർ. കേളു, വയനാട് ജില്ലാ പഞ്ചായത്ത് പ്രസിഡണ്ട് സംഷാദ് മരക്കാർ, ബത്തേരി ബ്ലോക്ക് പഞ്ചായത്ത് പ്രസിഡണ്ട് അസൈനാർ, മീനങ്ങാടി ഗ്രാമ പഞ്ചായത്ത് പ്രസിഡണ്ട് കെ.ഇ.വിനയൻ, മിൽമ ചെയർമാൻ കെ.എസ്.മണി, ക്ഷീര കർഷക ക്ഷേമനിധി ബോർഡ് ചെയർമാൻ വി.പി.ഉണ്ണികൃഷ്ണൻ, ക്ഷീര വികസന വകുപ്പ് ഡയറക്ടർ .ഡോ.എ.കൗശികൻ ഐ.എ.എസ്. തുടങ്ങിയവർ പങ്കെടുക്കുന്ന ചടങ്ങിൽ ജില്ലയിലെ മികച്ച ക്ഷീര കർഷകർ, യുവ കർഷകൻ, മികച്ച ഗുണനിലവാരം പുലർത്തുന്ന സംഘങ്ങൾ തുടങ്ങിയവരെ ആദരിക്കുന്നുണ്ടെന്ന് മീനങ്ങാടി ക്ഷീരസംഘം പ്രസിഡണ്ട് പി.പി. ജയൻ, സെക്രട്ടറി കെ ബി.മാത്യു ക്ഷീര വികസന വകുപ്പ് ഡപ്യൂട്ടി ഡയറക്ടർ കെ. .ഉഷാദേവി, എന്നിവർ അറിയിച്ചു.
മീനങ്ങാടി:പുറക്കാടി ക്ഷേത്രത്തിലേക്ക് ഒഴുകുകയാണ് ഭക്തജനങ്ങൾ . മൺഡല മഹോൽസവത്തിൻ്റെ ഭാഗമായി നടത്തിയ കഥകളി നേരിൽ കണ്ട് ആസ്വദിക്കുന്നതിനായാണ് ആയിരക്കണക്കിന് ആളുകൾ ഇന്നലെ ക്ഷേത്രത്തിലെത്തിയത്. കോട്ടക്കൽ പി.എസ്.വി. നാട്യസംഘത്തിൻ്റെ...
കല്‍പ്പറ്റ: ചൂരല്‍മല-മുണ്ടക്കൈ ഉരുള്‍ദുരന്ത ബാധിതരെ പുനരധിവസിപ്പിക്കുന്നതിന്റെ ഭാഗമായി പുറത്തിറക്കിയ ഒന്നാംഘട്ട ഗുണഭോക്തൃ കരട് പട്ടിക റദ്ദ് ചെയ്യണമെന്ന് കേരള കോണ്‍ഗ്രസ് ജേക്കബ്ബ് ജില്ലാജനറല്‍ ബോഡി യോഗം ആവശ്യപ്പെട്ടു....
പുല്‍പള്ളി: ക്രിസ്മസ് സ്നേഹത്തിന്റെയും- സമാധാനത്തിന്റെയും സന്ദേശമാണ് നൽകുന്നത്- ബിഷപ്പ് : മാർ അലക്സ് താരാമംഗലം ക്രിസ്തുമസ് കേവലമൊരു ഓര്‍മ്മപ്പെടുത്തല്‍ മാത്രമല്ലെന്നും പുത്തന്‍ ചക്രവാളം മാനവ കുലത്തിന് തുറന്ന്...
മാനന്തവാടി: ക്രിസ്മസ് ആഘോഷങ്ങൾക്ക് മാറ്റുകൂട്ടാൻ മുതിരേരി ചെറുപുഷ്പ ദേവാലയത്തിൽ കരോൾ ഗാന മത്സരം നടത്തി. വിവിധ വാർഡുകളിൽ നിന്നുള്ള 8 ടീമുകളാണ് മത്സരത്തിൽ പങ്കെടുത്തത്. ഒമ്പതാം യൂണിറ്റിലെ...
നടവയൽ: കെ.ജെ.ബേബിയെക്കുറിച്ചുള്ള ഓർമ്മ പുസ്തകമായ കാടകത്തിൻ്റെ പ്രകാശനവും കെ.ജെ.ബേബി അനുസ്മരണവും നടവയൽ ഗ്രന്ഥശാലയിൽ നടന്നു. പുസ്തക പ്രകാശനം പ്രശസ്ത പത്രപ്രവർത്തകനും ഡബ്ല്യു.എൽ.എഫ്. ഡയറക്ടറുമായ ഡോ.വിനോദ് കെ.ജോസ് നിർവ്വഹിച്ചു....
കൊച്ചി: ഫെബ്രുവരി ഒമ്പതിന് ക്ലിയോ സ്പോർട്സിൻ്റ ആഭിമുഖ്യത്തിൽ നടക്കുന്ന ഫെഡറൽ ബാങ്ക് കൊച്ചി മാരത്തോണിൻ്റെ മൂന്നാം പതിപ്പിന് മുന്നോടിയായി ട്രെയിനിങ് റൺ സംഘടിപ്പിച്ചു. കൊച്ചിയിലെ പ്രമുഖ ക്ലബായ...
