പട്ടികവര്ഗ്ഗക്കാര്ക്ക് ആധികാരിക രേഖകള് ലഭ്യമാക്കി ഡിജിറ്റല് ലോക്കറില് സൂക്ഷിക്കാന് അവസരം ഒരുക്കുന്ന എ.ബി.സി.ഡി ക്യാമ്പിന് പൂതാടി ഗ്രാമ പഞ്ചായത്തില് തുടക്കമായി. കേണിച്ചിറ സെന്റ് സെബാസ്റ്റ്യന് ചര്ച്ച് ഹാളില് മൂന്ന് ദിവസങ്ങളിലായി നടക്കുന്ന ക്യാമ്പ് സബ് കളക്ടര് ആര്. ശ്രീലക്ഷ്മി ഉദ്ഘാടനം ചെയ്തു. പൂതാടി ഗ്രാമപഞ്ചായത്ത് പ്രസിഡന്റ് മേഴ്സി സാബു അധ്യക്ഷത വഹിച്ചു. അക്ഷയ ജില്ലാ കോ-ഓര്ഡിനേറ്റര് ജിന്സി ജോസ് പ്രൊജക്ട് അവതരിപ്പിച്ചു. എ.ബി.സി.ഡി ക്യാമ്പ് നടക്കുന്ന ജില്ലയിലെ എട്ടാമത്തെ പഞ്ചായത്താണ് പൂതാടി ഗ്രാമ പഞ്ചായത്ത്. മൂന്ന് ദിവസങ്ങളിലായി നടക്കുന്ന ക്യാമ്പില് പ്രത്യേകം സജ്ജീകരിച്ച കൗണ്ടറുകളിലൂടെയാണ് സേവനം ലഭ്യമാക്കുന്നത്. റേഷന് കാര്ഡ്, ആധാര് കാര്ഡ്, വോട്ടര് തിരിച്ചറിയല് കാര്ഡ്, ബാങ്ക് അക്കൗണ്ട്, ആരോഗ്യ ഇന്ഷുറന്സ്, ലൈഫ് സര്ട്ടിഫിക്കറ്റ്, ജനന സര്ട്ടിഫിക്കറ്റ് തുടങ്ങിയ ആധികാരിക രേഖകളാണ് സേവന കൗണ്ടറുകളിലൂടെ ലഭ്യമാക്കുക. അക്ഷയയുടെ 30 കൗണ്ടറുകളും ഒരുക്കിയിട്ടുണ്ട്. വിവിധ കാരണങ്ങളാല് രേഖകള് ഇല്ലാത്തവര്ക്കും നഷ്ടപ്പെട്ടവര്ക്കും വിവിധ സര്ക്കാര് ആനുകൂല്യങ്ങള് ലഭിക്കാതെവരുന്ന സാഹചര്യം ഒഴിവാക്കുകയാണ് ക്യാമ്പിന്റെ ലക്ഷ്യം. രേഖകളുടെ തെറ്റു തിരുത്തുന്നതിനും സൗകര്യം ഒരുക്കിയിട്ടുണ്ട്. രേഖകള് ഇല്ലാത്തവര്ക്ക് പുതിയ രേഖകള് ക്യാമ്പില്നിന്നും നല്കും. രേഖകള് സുരക്ഷിതമായി സൂക്ഷിക്കാന് ഡിജിറ്റല് ലോക്കര് സൗകര്യവും ക്യാമ്പില് ഒരുക്കിയിട്ടുണ്ട്. ജില്ലാ ഭരണകൂടം, ജില്ലാ ഐ.ടി മിഷന്, സിവില് സപ്ലൈസ് വകുപ്പ്, അക്ഷയ കേന്ദ്രം, പട്ടിക വര്ഗ്ഗ വികസന വകുപ്പ്, പൂതാടി ഗ്രാമ പഞ്ചായത്ത് എന്നിവരുടെ സഹകരണത്തോടെയാണ് എ.ബി.സി.ഡി ക്യാമ്പ് നടക്കുന്നത്. പൂതാടി ഗ്രാമ പഞ്ചായത്ത് വൈസ് പ്രസിഡന്റ് എം.എസ്. പ്രഭാകരന്, ബ്ലോക്ക് പഞ്ചായത്ത് ആരോഗ്യ സ്റ്റാന്റിംഗ് കമ്മിറ്റി ചെയര് പേഴ്സണ് നിത്യ ബിജുകുമാര്, വികസനകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് മിനി പ്രകാശ്, ക്ഷേമകാര്യ സ്റ്റാന്ഡിംഗ് കമ്മിറ്റി ചെയര്മാന് കെ.ജെ. സണ്ണി, ആരോഗ്യകാര്യ സ്റ്റാന്റിംഗ് കമ്മിറ്റി ചെയർപേഴ്സണ് മിനി സുരേന്ദ്രന്, വാര്ഡ് മെമ്പര്മാരായ ടി.കെ സുധീരന്, ടി.എസ്. പ്രകാശന്, ബ്ലോക്ക് മെമ്പര് ഇ.കെ. ബാലന്, പഞ്ചായത്ത് സെക്രട്ടറി കെ.എ. മിനി, ട്രൈബല് ഡവലപ്മെന്റ് ഓഫീസര് ജി. പ്രമോദ് തുടങ്ങിയവര് സംസാരിച്ചു. ക്യാമ്പ് നവംബര് 10 ന് സമാപിക്കും.
വയനാട് ജില്ലയിലെ മതപഠന-ട്യൂഷന്-സ്പെഷ്യല് ക്ലാസുകള്ക്ക് ഇന്ന് അവധി കേന്ദ്ര കാലാവസ്ഥ വകുപ്പ് ജാഗ്രതാ നിര്ദേശം നല്കിയ സാഹചര്യത്തില് ജില്ലയിലെ മതപഠന ക്ലാസ്സുകള്, ട്യൂഷന് സെന്ററുകള്, സ്പെഷ്യല് ക്ലാസ്സുകള്,...
Nanotechnology leaders, researchers, industry and startups converge in Bengaluru to advance the next frontier of Innovation. Devadas TP -Industry Technology...
കെട്ടിട ഉടമകളുടെ പ്രധാന പ്രശ്നങ്ങൾ പരിഹരിക്കുന്നതിന് ആവശ്യമായ നടപടികൾ സ്വീകരിക്കുക തന്നെ ചെയ്യുമെന്ന് മുഖ്യമന്ത്രി വി.ഡി സതീശൻ. കേരള ബിൽഡിംഗ് ഓണേഴ്സ് വെൽഫെയർ അസോസിയേഷൻ സംസ്ഥാന നേതൃത്വം...
ഒരു കുട്ടിയുടെ വളർച്ചയിൽ ഏറ്റവും പ്രധാന പങ്കുവഹിക്കുന്നത് അവരുടെ മാതാപിതാക്കളാണ്. പ്രത്യേകിച്ച് ഭിന്നശേഷിയുള്ളതോ അല്ലെങ്കിൽ വളർച്ചയിൽ പ്രത്യേക പിന്തുണ ആവശ്യമായതോ ആയ കുട്ടികളെ പരിപാലിക്കുമ്പോൾ, മാതാപിതാക്കളുടെ ഉത്തരവാദിത്തം...
മാനന്തവാടി: നീറ്റ് പേപ്പര് ചോര്ച്ചയില് ധര്മ്മേന്ദ്ര പ്രധാന്റെ രാജി ആവശ്യപ്പെട്ടു നടന്ന സമരത്തിന് നായകത്വം വഹിച്ച പ്രിയങ്ക ഗാന്ധി എം പിക്ക് വയനാട്ടിലെ വിവിധ കോളജുകളിലെ വിദ്യാര്ഥികള്...
കൽപ്പറ്റ: വിവിധ സംസ്ഥാനങ്ങളിലെയും കേന്ദ്ര പോലീസ് സേനയിലെയും ഉദ്യോഗസ്ഥർക്കായി ഹൈദ്രാബാദിലെ സെൻട്രൽ ഡിറ്റക്ടീവ് ട്രെയിനിംഗ് ഇൻസ്റ്റിറ്റ്യൂട്ടിൽ (CDTI) സംഘടിപ്പിച്ച നർകോടിക് കേസുകളുടെ അന്വേഷണ പരിശീലനത്തിൽ വയനാട് ജില്ലാ...
