.
മാനന്തവാടി: മാനന്തവാടി ബ്ലോക്ക് പഞ്ചായത്തിൽ പോഷകാഹാര പ്രദർശനവും മെഡിക്കൽ ക്യാമ്പും സംഘടിപ്പിച്ചു. വനിത ശിശു വികസന വകുപ്പിൻ്റെയും മാനന്തവാടി ബ്ലോക്ക് ഐസിഡിഎസ് പ്രോജക്ടിൻ്റെയും നേതൃത്വത്തിലാണ് പോഷൻ അഭിയാൻ പദ്ധതിയുടെ ഭാഗമായി “പോഷൺ മാ 2022” എന്ന പേരിൽ ന്യൂട്രീഷൻ എക്സിബിഷൻ നടത്തിയത്. ആരോഗ്യ വകുപ്പുമായി സഹകരിച്ച് ഗർഭിണികൾക്കും മുലയൂട്ടുന്ന അമ്മമാർക്കുമുള്ള പരിശോധന ക്യാമ്പും നടന്നു.ബ്ലോക്ക് ട്രൈസം ഹാളിൽ നടന്ന പരിപാടി മാനന്തവാടി ബ്ലോക്ക് പഞ്ചായത്ത് പ്രസിഡണ്ട് ജസ്റ്റിൻ ബേബി ഉദ്ഘാടനം ചെയ്തു. ഗുണമേന്മയുള്ള പോഷണങ്ങളെക്കുറിച്ച് പൊതുജനങ്ങളിൽ അവബോധം സൃഷ്ട്ടിക്കുക പോഷണ നിലവാരമുള്ള ഭക്ഷണം കഴിക്കുവാൻ ജനങ്ങളെ പ്രേരിപ്പിക്കുക എന്ന ലക്ഷ്യം മുൻനിർത്തിയാണ് “പോഷൺമാ 2022” സംഘടിപ്പിച്ചതെന്ന് സംഘാടകർ പറഞ്ഞു. ബ്ലോക്ക് പഞ്ചായത്ത് മെമ്പർമാരായ പി കെ അമീൻ,വി എം വിമല,സല്മ മോയിൻ, ബാലൻ വെള്ളരിമ്മൽ,സിഡിപിഒ സി ബീന,അങ്കണവാടി വർക്കർ പി എസ് രമാദേവി, കെ പി സുനിൽകുമാർ എന്നിവർ സംസാരിച്ചു.
