. പുൽപ്പള്ളി: പെരിക്കല്ലൂർ ഹയർ സെക്കൻ്ററി സ്കൂളിൽ കലോത്സവത്തിന് ഇന്ന് തിരശ്ശീല വീണു.കബനി, കുറുവ, ബ്രഹ്മഗിരി, ബാണാസുര എന്നീ നാല് വേദികളിലായി കുട്ടികൾ ഹൗസുകളായി തിരിഞ്ഞ് മേളയിൽ പങ്കെടുത്തു.പ്രീ പ്രൈമറി മുതൽ പ്ലസ്ടു വരെയുള്ള കുട്ടികൾ മേളയിൽ പങ്കെടുത്തു.കോവിഡ് ഏല്പിച്ച ആഘാതത്തിന് ഒരു ഔഷധം പോലെയായിരുന്നു ഈ കലാവിരുന്ന്. ചെണ്ടമേളം, ദഫ് മുട്ട്, വട്ടപ്പാട്ട്, ഒപ്പന, തിരുവാതിര, സംഘഗാനം, ദേശഭക്തിഗാനം വഞ്ചിപ്പാട്ട്, നാടൻപാട്ട്, മിമിക്രി, മോണോ ആക്ട്, പദ്യം ചൊല്ലൽ, പ്രസംഗം തുടങ്ങിയ മത്സരയിനങ്ങൾ നടന്നു. നൃത്ത ഇനങ്ങളും, നാടകങ്ങളും പ്രസംഗങ്ങളുമായി വിദ്യാർത്ഥികൾ മേള ആഘോഷമാക്കി.കൂടുതൽ പോയിൻ്റ് നേടി Blueഹൗസ് ജേതാക്കളായി. വിജയികൾക്ക് PTAപ്രസിഡൻ്റ് ശ്രീ ഗിരിഷ് കുമാർ ട്രോഫി വിതരണം ചെയ്തു. കലോത്സവം വൻ വിജയമാക്കിയ മുഴുവൻ വിദ്യാർത്ഥികൾക്കും, അദ്ധ്യാപകർക്കും, രക്ഷിതാക്കൾക്കും, കമ്മറ്റി അംഗങ്ങൾക്കും, നാട്ടുകാർക്കും കലോത്സവ കൺവീനർ മധു നന്ദി അറിയിച്ചു.
