കൽപ്പറ്റ ; വന്യമൃഗശല്യത്തിനെതിരെയുള്ള ആക്ഷൻ കൗൺസിലിന്റെ നേതൃത്വത്തിൽ ഒക്ടോബർ മൂന്നിന് ദേശീയ പാത ഉപരോധിക്കും. വ്യാപാരികൾ പത്ത് മണി മുതൽ കടകളടച്ച് ഹർത്താൽ ആചരിക്കുമെന്നും ഭാരവാഹികൾ കൽപ്പറ്റയിൽ വാർത്താ സമ്മേളനത്തിൽ അറിയിച്ചു
വൈത്തിരി
ഗ്രാമപഞ്ചായത്തിലെ എല്ലാ പ്രദേശങ്ങളിലും വർധിച്ചുവരുന്ന വന്യമൃഗശല്യത്തിനെതിരെ ഒക്ടോബർ 3 ന് രാവിലെ 10 മണിക്ക് പഞ്ചായത്ത് ഓഫീസിന് മുൻവശത്താണ് ദേശീയപാത ഉപരോധിക്കുന്നത് ‘ വർഷങ്ങളായി വന്യമൃഗശല്യം കൃഷിയിടങ്ങളെയാണ് ബാധിച്ചിരുന്നതെങ്കിൽ ഇപ്പോൾ മനുഷ്യജീവൻ തന്നെ അപകടത്തിലാകും വിധം രാവും പകലും കടുവ, ആന, മാൻ ഉൾപ്പടെയുള്ള വന്യജീവികളുടെ സാന്നിദ്ധ്യം ജനജീവിതത്തെ തന്നെ ബാധിച്ചിരിക്കുകയാണ്. ഗ്രാമങ്ങളിൽ നിന്നും കാൽനടയായി ടൗണിൽ വന്ന് വാഹനത്തിൽ ജില്ലക്കകത്തും പുറത്തും വിദ്യാഭ്യാസത്തിനും തൊഴിലിനുമായി പോകുന്നവർ തിരിച്ചെത്തുന്നത് വരെ കുടുംബങ്ങൾ അനുഭവിക്കുന്ന പ്രയാസം ബന്ധപ്പെട്ടവർ തിരിച്ചറിയണം. തോട്ടം മേഖലയിലും കാർഷിക മേഖലയിലും ജീവഭയത്താലാണ് തൊഴിലാളികൾ ജോലിയെടുക്കുന്നത്. തോട്ടം തൊഴിലാളികളായ സ്ത്രീകൾക്കെതിരെ ആനയുടെ ആക്രമണം ചേലോടും വേങ്ങക്കോട്ടും, തളിമലയിലും, വട്ടപ്പാറയിലും ഉണ്ടായിട്ടുണ്ട്.
രണ്ട് മാസം മുൻപ് തൈലകുന്നിൽ കുഞ്ഞിരാമൻ എന്നയാളെ ആന വീട്ടിൽ കയറി ആക്രമിച്ചു. കഷ്ടിച്ചാണ് ജീവൻ തിരിച്ചു കിട്ടിയത്. തേയില തോട്ടങ്ങളിൽ കടുവയുടെ സാന്നിദ്ധ്യം സ്ഥിരമാകുന്ന സാഹചര്യം പഞ്ചായത്തിന്റെ സർവ്വ മേഖലയെയും ബാധിക്കുന്ന ഘട്ടത്തിലാണ് കൃഷിഭൂമി അതിരായികണ്ട് ജനകീയ ഫെൻസിംഗ് എന്ന പേരിൽ ജനങ്ങളുടെ പങ്കാളിത്തത്തിൽ പതിനഞ്ച് കിലോ മീറ്റർ ഫെൻസിംഗ് സ്ഥാപിക്കുന്ന പദ്ധതിയുമായി ഗ്രാമപഞ്ചായത്തും വാർഡ് വികസന സമിതിയും സ്വന്തം നിലയിൽ മുന്നോട്ട് പോകുന്നത്.
കാടും നാടും വേർതിരിക്കുന്ന ആധുനിക രീതിയിലുള്ള ഫെൻസിംഗ് സംവിധാനം വനാതിർത്തിയിൽ നടപ്പിലാക്കണമെന്നാവശ്യപ്പെട്ട് നിരവധി ഇടപെടൽ മുമ്പ് നടത്തിയിട്ടും ഫലം കാണാത്ത സാഹചര്യത്തിലാണ് ഒക്ടോബർ 3 ന് രാവിലെ 10 മണി മുതൽ ദേശിയ പാത ഉപരോധിക്കാൻ തീരുമാനിച്ചിട്ടുള്ളതെന്ന് അറിയിക്കുന്നു. പത്രസമ്മേളനത്തിൽ ആക്ഷൻ കമ്മിറ്റി ചെയർമാൻ എം.വി. വിജേഷ്, കൺവീനർ എൻ.ഒ. ദേവസി, അംഗങ്ങളായ സലീം മേമന, എ.എ വർഗ്ഗീസ്, എം.വി ബാബു, കെ.കൃഷ്ണൻ ,ജ്യോതിഷ് കുമാർ എന്നിവർ പങ്കെടുത്തു.
മാനന്തവാടി: കൊയിലേരി പുഴയിൽ ചെക്ക്ഡാമിൽ രണ്ട് സുഹൃത്തുക്കളോടൊപ്പം കുളിക്കാൻ ഇറങ്ങിയ യുവാവ് മുങ്ങി മരിച്ചു. കൂളിവയൽ ചിറയിൽ വീട്ടിൽ അന്ത്രു വിൻ്റെ മകൻ സുബൈർ (36) ആണ്...
കൽപ്പറ്റയിൽ യൂണിമണിയുടെ നവീകരിച്ച ഓഫീസ് പ്രവർത്തനമാരംഭിച്ചു. യൂണി മണിയുടെ 25-ാ വാർഷികവും കൽപ്പറ്റ ബ്രാഞ്ചിന്റെ ഇരുപതാം വാർഷികഘോഷവും നടന്നു വരികയാണ്. ഫോറിൻ എക്സ്ചേഞ്ച്, ട്രാവൽ ആന്റ് ഹോളിഡേയ്സ്,...
#മിഡിൽ ഈസ്റ്റിൽ നിന്നും ഇന്ത്യ ഉൾപ്പെടെയുള്ള ഏഷ്യൻ രാജ്യങ്ങളിലേക്കുള്ള പണമിടപാടിന് സർക്കിളിന്റെ ഡിജിറ്റൽ ഡോളറായ USDC ഇനി മുതൽ ഉപയോഗപ്പെടുത്തും. കൊച്ചി: രാജ്യാന്തര തലത്തിൽ കറൻസി വിനിമയത്തിന്...
കല്‍പ്പറ്റ: ഇടതു സര്‍ക്കാര്‍ കഴിഞ്ഞ എട്ടര വര്‍ഷമായി തുടരുന്ന അധ്യാപക ദ്രോഹ നടപടികള്‍ അവസാനിപ്പിക്കണമെന്ന് ഐ.എന്‍.ടി.യു.സി ജില്ലാ പ്രസിഡന്റ്.പി ..പി .ആലി ആവശ്യപ്പെട്ടു. പങ്കാളിത്ത പെന്‍ഷന്‍ പദ്ധതി...
പാലക്കാട്.. കല്ലടിക്കോടിൽ സ്കൂള്‍ വിദ്യാര്‍ത്ഥികള്‍ക്കിടയിലേക്ക് ലോറി ഇടിച്ചുകയറി അപകടത്തിൽ മരിച്ച നാല് വിദ്യാർത്ഥികളുടെയും പോസ്റ്റ്മോർട്ടം പൂർത്തിയായി. അപകടത്തിൽ റോഡിലൂടെ നടക്കുകയായിരുന്ന നിരവധി വിദ്യാര്‍ത്ഥികള്‍ക്ക് പരിക്കേറ്റു. ഇന്ന് വൈകിട്ട്...
കല്‍പ്പറ്റ: ചൂരല്‍മല-മുണ്ടക്കൈ ഉരുള്‍പ്പൊട്ടല്‍ ദുരന്തബാധിതരുടെ പുനരധിവാസം ഇനിയും വൈകിയാല്‍ സംസ്ഥാനവ്യാപകമായി വലിയ സമരങ്ങള്‍ക്ക് നേതൃത്വം നല്‍കുമെന്ന് പ്രതിപക്ഷനേതാവ് വി ഡി സതീശന്‍. അടിയന്തരമായി സര്‍വകക്ഷിയോഗം വിളിച്ചുചേര്‍ത്ത് തുടര്‍നടപടികളിലേക്ക്...
