ഇഫ്ത ഐ എൻ.ടി.യു.സി കലാകാര സംഗമവും – പുരസ്കാര വിതരണവും നടത്തി.

കൽപ്പറ്റ:- ജില്ലയിലെ കലാകാരൻമാർക്ക് പരിശീലന കേന്ദ്രങ്ങൾ തുറക്കണം. അവരുടെ കലാരൂപങ്ങൾ പരിശീലിക്കാനും പരിപോഷിപ്പിക്കാനും നിലവിൽ ഒരു പരിശീലന കേന്ദ്രവും ഇല്ലാത്ത അവസ്ഥയാണ്. നിലവിൽ കൽപ്പറ്റ ജില്ലാ ആസ്ഥാനത്തുണ്ടായിരുന്ന ഒരു ടൗൺഹാളായിരുന്നു കലാകാരൻമാരുടെ ആശ്രയം അത് പൊളിച്ചിട്ടിട്ട് ഒരു ഉപയോഗശൂന്യവുമില്ലാതെ കിടക്കുകയാണ്. ചെറിയൊരു പൈസക്ക് പരിപാടികൾ നടത്താൻ അവസരമുണ്ടായിരുന്നു. നിലവിൽ ആ സൗകര്യം കൂടി നഷ്ടപ്പെട്ടിരിക്കുകയാണ്. രാത്രി 10 മണിക്ക് ശേഷം സൗണ്ട് സിസ്റ്റം ഉപയോഗിക്കരുത് എന്ന നിയമം വന്നതോടുകൂടി നൂറുകണക്കിന് കലാകാരൻമാരുടെ ഉപജീവനമാർഗ്ഗമാണ് നഷ്ടപ്പെട്ടു കൊണ്ടിരിക്കുന്നത്. ഇതിനെതിരെ ശക്തമായ പ്രതിഷേധം ഇഫ്ത ഐ എൻടിയുസി വയനാട് ജില്ലാ കമ്മിറ്റി അറിയിച്ചു. കൽപ്പറ്റ എം.ജി.റ്റി ഹാളിൽ നടന്ന യോഗത്തിൽ ഐ.എൻ.ടി.യു.സി ജില്ലാ പ്രസിഡൻ്റ് പി.പി. ആലി ഉദ്ഘാടനം ചെയ്തു. കലാകാരൻമാർക്ക് പുരസ്കാര വിതരണം നടത്തി. ഇഫ്ത ഐ എൻ.ടി.യു.സി വയനാട് ജില്ലാ പ്രസിഡൻ്റ് വയനാട് സക്കറിയാസ് അധ്യക്ഷത വഹിച്ചു. മുഖ്യപ്രഭാഷണം എഴുത്തുകാരി അമൃത മങ്ങാടത്ത് നിർവഹിച്ചു . വി സുരേഷ് ബാബു,ഗിരീഷ് കൽപ്പറ്റ, കെ.കെ. രാജേന്ദ്രൻ,മാത്യു ചോമ്പാല, വി.എസ് ബെന്നി, പി. ലക്ഷമി,എസ് അന്നമ്മ, ആയിഷ പള്ളിയാൽ എന്നിവർ സംസാരിച്ചു.