കല്‍പ്പറ്റ: കേരള ബജറ്റില്‍ വയനാടിനോടുള്ള അവഗണന തുടരുന്ന സര്‍ക്കാര്‍ നടപടി പ്രതിഷേധാര്‍ഹം ആണെന്ന് ഐഎന്‍ടിയുസി സംസ്ഥാന പ്രസിഡണ്ട് ചന്ദ്രശേഖരന്‍. കല്‍പ്പറ്റയില്‍ നടന്ന ഐഎന്‍ടിയുസി വയനാട് ജില്ലാ ലീഡേഴ്‌സ് മീറ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കൊട്ടിഘോഷിച്ച വയനാട് പാക്കേജിനെ സംബന്ധിച്ച് യാതൊരു വിവരവും ഇല്ല. തുരങ്ക പാതയും മെഡിക്കല്‍ കോളജും ചുരം ബദല്‍ റോഡും ഉള്‍പ്പെടെയുള്ള വിഷയങ്ങളെ സംബന്ധിച്ച് ഒരു പരാമര്‍ശം നടത്താതെയാണ് ബജറ്റ് അവതരിപ്പിച്ചിരിക്കുന്നത്. വന്യമൃഗ ശല്യവും മറ്റ് ദുരിതങ്ങളും മൂലം ജീവിതം നരകതുല്യം ആകുന്ന വയനാടന്‍ ജനതയ്ക്ക് ആശ്വാസമേകുന്ന ഒരു പദ്ധതി പോലും ബജറ്റില്‍ പ്രഖ്യാപിക്കാത്തത് വയനാട്ടുകാരോടുള്ള വെല്ലുവിളിയാണെന്നും അദ്ദേഹം കൂട്ടിച്ചേര്‍ത്തു. തോട്ടം മേഖലയില്‍ ലയങ്ങള്‍ വാസയോഗ്യം അല്ലാത്ത അവസ്ഥയിലാണ്. തോട്ടം തൊഴിലാളികള്‍ക്ക് ഭവന പദ്ധതിയെ സംബന്ധിച്ച് പലതവണ ആവശ്യമുയര്‍ന്നിട്ടും നടപ്പാക്കാനുള്ള ഒരു പദ്ധതിയും ആവിഷ്‌കരിക്കാത്തത് പ്രതിഷേധര്‍ഹം ആണെന്നും അദ്ദേഹം പറഞ്ഞു. ഐഎന്‍ടിയുസി ജില്ലാ പ്രസിഡണ്ട് പി പി ആലി അധ്യക്ഷന്‍ ആയിരുന്നു. വി ജെ ജോസഫ്,മനോജ് എടാണി, ടി എ റെജി, ബി സുരേഷ് ബാബു, സിപി വര്‍ഗീസ്,സി ജയപ്രസാദ്, ഉമ്മര്‍ കുണ്ടാട്ടില്‍, രാധാ രാമസ്വാമി, ഗിരീഷ് കല്‍പ്പറ്റ, സലാം മീനങ്ങാടി, പി എന്‍ ശിവന്‍, ജിനി തോമസ്,ഒ ഭാസ്‌ക്കരന്‍, താരിഖ് കടവന്‍ , കെ കെ രാജേന്ദ്രന്‍,അരുണ്‍ദേവ്, ഹര്‍ഷല്‍ കോണാടന്‍ തുടങ്ങിയവര്‍ സംസാരിച്ചു.
. ദന്തചികിത്സാ മേഖലയിൽ ദന്തക്രമീകരണ ചികിത്സകൾ മാത്രമായി 'മീത്തൽ അലൈനേഴ്സ്' എന്ന ഓർത്തോഡോന്റിക്‌സ് ക്ലിനിക്കിന്റെ ഉദ്ഘാടനച്ചടങ്ങ് കൽപ്പറ്റയിൽ നടന്നു. കൽപ്പറ്റയിൽ 20 വർഷമായി സേവനമനുഷ്ഠിക്കുന്ന മീത്തൽ ഡെന്റൽ...
മേപ്പാടി: വയനാട് ജില്ലയിലെ പോലീസ് ഉദ്യോഗസ്ഥർക്കും അവരുടെ കുടുംബാംഗങ്ങൾക്കുമായി കുറഞ്ഞ നിരക്കിലുള്ള ആരോഗ്യ പരിശോധനാ ക്യാമ്പും സ്പെഷ്യൽ പ്രിവിലേജ് കാർഡ് വിതരണവും സംഘടിപ്പിച്ച് ഡോ. മൂപ്പൻസ് മെഡിക്കൽ...
കല്‍പ്പറ്റ: ചെന്നൈയില്‍ ഇന്നലെ ചേര്‍ന്ന മുസ്ലിം ലീഗ് ദേശീയ കൗണ്‍സില്‍ യോഗത്തില്‍ പുതിയ ദേശീയ കമ്മിറ്റി പ്രഖ്യാപനമുണ്ടായപ്പോള്‍ ഏറ്റവും ആഹ്ലാദിച്ച ജില്ല വയനാടായിരുന്നു. വയനാട്ടുകാരിയായ ജയന്തി രാജന്‍...
