കൽപ്പറ്റ എൻ.എം.ഡി.സി.യിൽ നാട്ടുചന്ത പ്രവർത്തനം തുടങ്ങി

കൽപ്പറ്റ എൻ.എം.ഡി.സി.യിൽ നാട്ടുചന്ത പ്രവർത്തനം തുടങ്ങി.
കൽപ്പറ്റ:. കർഷകർ സംരംഭകർ കൂടി ആയി വളർന്നാൽ വരുമാനം വർദ്ധിപ്പിക്കാമെന്ന് മുൻ കൃഷി മന്ത്രി വി.എസ്.സുനിൽകുമാർ.
കൽപ്പറ്റ എൻ.എം.ഡി.സി.യിൽ ആരംഭിച്ച നാട്ടുചന്തയുടെ ഉദ്ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം
കൽപ്പറ്റ പിണങ്ങോട് റോഡിലുള്ള . നബാർഡിൻ്റെ ധന സഹായത്തോടെ നിർമ്മാണം പൂർത്തിയാക്കിയ നാട്ടുചന്ത കോവിഡിന് ശേഷം ആദ്യമായാണ് വീണ്ടും സജീവമാകുന്നത്. എൻ.എം.ഡി.സി., കേരള സ്റ്റേറ്റ് എഫ്.പി.ഒ. കൺസോർഷ്യം, നെക്സ്റ്റോർ ഗ്ലോബൽ ടെക്കിൻ്റെ കൃഷി അനുബന്ധ വിഭാഗമായ ഫുഡ് കെയർ ഇന്ത്യ തുടങ്ങിയവയുടെ സംയുക്താഭിമുഖ്യത്തിൽ ആരംഭിച്ച നാട്ടു ചന്തയുടെ പ്രവർത്തന ഉദ്ഘാടനം മുൻ കൃഷി മന്ത്രി വി.എസ്.സുനിൽകുമാർ നിർവ്വഹിച്ചു.
മൂല്യവർദ്ധിത ഉൽപ്പന്നങ്ങൾ നിർമ്മിച്ച കാർഷികാനുബന്ധ സംരംഭങ്ങൾ ആരംഭിക്കുന്നതിലൂടെ കാർഷിക പ്രതിസന്ധിക്ക് സ്വയം പരിഹാരം കണ്ടെത്താൻ കഴിയുമെന്ന് അദ്ദേഹം പറഞ്ഞു.
എൻ.എം.ഡി.സി. വൈസ് ചെയർപേഴ്സൺ ടി.ജി. ബീന അധ്യക്ഷത വഹിച്ചു
മൂല്യവർദ്ധിത ഉൽപ്പന്നങ്ങളുമായി ഫാർമർ പ്രൊഡ്യൂസർ കമ്പനികൾ, കർഷക താൽപ്പര്യ സംഘങ്ങൾ, കുടുംബശ്രീ സംരംഭകർ , കാർഷികാനുബന്ധ സംരംഭകർ തുടങ്ങിയവയുടെയും എഫ്.പി.ഒ. കൺസോർഷ്യത്തിൻ്റെയും നേതൃത്വത്തിൽ സ്ഥിരം സ്റ്റാളുകളും കാർഷികോൽപ്പന്നങ്ങൾ, നഴ്സറികൾ എന്നിവയുടെ താൽകാലിക സ്റ്റാളുകളും നാട്ടുചന്തയിൽ ഉണ്ട്.
കർഷകർക്കും കാർഷികാനുബന്ധ സംരംഭകർക്കും വിൽക്കാനുള്ള ഉൽപ്പന്നങ്ങൾ ഇവിടെയെത്തിച്ച് സ്വന്തമായും സ്റ്റാളുകൾ വഴിയായും വിൽപ്പന നടത്താം.
നട്ടുചന്തയോടനുബന്ധിച്ച ഇടക്കിടെ പ്രദർശന വിൽപ്പന മേളയും സംഘടിപ്പിക്കും. ആദ്യത്തെ പ്രദർശന വില്പന മേള വുമൺ ചേംബറിൻ്റെ നേതൃത്വത്തിൽ ഏപ്രിൽ അഞ്ച് മുതൽ നടക്കും. തുടർന്ന് എല്ലാ മാസവും മേളകളും കാർഷികോൽപ്പന്നങ്ങളുടെ ലേലവും കാർഷിക സെമിനാറുകളും ബോധവൽക്കരണ പരിപാടികളും ഉണ്ടാകും.
കൃഷി വകുപ്പിൻ്റെ നേതൃത്വത്തിൽ വിപണി ഇടപെടലിൻ്റെ ഭാഗമായി കണ്ടെയ്നർ മോഡ് പ്രൊക്യുർമെൻ്റ് ആൻ്റ് പ്രോസസ്സിംഗ് സെൻററും ഉടൻ എൻ.എം.ഡി.സി.യിൽ പ്രവർത്തനമാരംഭിക്കും.

ഉൽപ്പന്നങ്ങൾ വിൽക്കാനുള്ള കർഷകരും സ്റ്റാളുകൾ ആരംഭിക്കാൻ താൽപ്പര്യമുള്ള കാർഷികാനുബന്ധ സംരംഭകർക്കും ഇവിടെ അവസരമുണ്ട്.എൻ.എം.ഡി.സി. വൈസ് ചെയർപേഴ്സൻ ടി.ജി. ബീന അധ്യക്ഷത വഹിച്ചു.
കൃഷി വകുപ്പ് ഡെപ്യൂട്ടി ഡയറ്ക്ടർ കെ.മമ്മൂട്ടി, കൽപ്പറ്റ കൃഷി അസിസ്റ്റൻ്റ് ഡയറക്ടർ പി.ഒ ബിന്ദു, വയനാട് ചേംബർ ഓഫ് കൊമേഴ്സ് പ്രസിഡണ്ട് ജോണി പാറ്റാനി ,കേരള എഫ്.പി.ഒ. കൺസോർഷ്യം സംസ്ഥാന പ്രസിഡണ്ട് സാബു പാലാട്ടിൽ, നെക് സ്റ്റോർ ഗ്ലോബൽ ടെക് ഡയറക്ടർ കെ.രാജേഷ്, വാസുകി ഫാർമേഴ്സ് സൊസൈറ്റി ചെയർമാൻ സജി കാവനാക്കുടി തുടങ്ങിയവർ സംസാരിച്ചു.