പ്രതിസന്ധി ഘട്ടങ്ങളിൽ അചഞ്ചലനായി കോൺഗ്രസിനെ മുന്നോട്ടു നയിച്ച നേതാവാണ് കെ.രാഘവൻ മാസ്റ്റർ : കെ.കെ. ഏബ്രഹാം

– പുൽപ്പള്ളി : കോൺഗ്രസ് പ്രസ്ഥാനത്തെ പ്രതിന്ധി ഘട്ടങ്ങളിൽ അചഞ്ചലമായി മുന്നോട്ടു നയിച്ച നേതാവാണ് കെ. രാഘവൻ മാസ്റ്റർ എന്ന് കെ.പി.സി.സി. ജനറൽ സെക്രട്ടറി കെ.കെ. ഏബ്രഹാം ചൂണ്ടിക്കാട്ടി. രാഘവൻ മാസ്റ്ററുടെ സംശുദ്ധമായ പൊതുജീവിതവും, വ്യക്തി ജീവിതവും, പാർട്ടി കൂറും പുതിയ തലമുറ പൊതു പ്രവർത്തന രംഗത്ത്മാതൃകയാക്കേണ്ടതാണ്. മുൻ ഡി.സി.സി പ്രസിഡന്റ് കെ.രാഘവൻ മാസ്റ്റർ എം.എൽഎയുടെ 27-ാം അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പുൽപ്പള്ളി ഗ്രാമപഞ്ചായത്ത് പ്രസിഡണ്ട് ടി.എസ് ദിലീപ് കുമാർ അദ്ധ്യക്ഷത വഹിച്ചു. കെ.പി.സി.സി എക്സിക്യൂട്ടീവ് അംഗം കെ.എൽ പൗലോസ് അനുസ്മരണ പ്രഭാഷണം നടത്തി യു.ഡി.എഫ് കൺവീനർ കെ.കെ.വിശ്വനാഥൻ മാസ്റ്റർ മുഖ്യ പ്രഭാഷണം നടത്തി ഡി.സി.സി.സെക്രട്ടറിമാരായ എൻ.യു. ഉലഹന്നൻ പി വി ജോർജ്, നാരായണവാര്യർ, മാനന്തവാടി നഗരസഭ ചെയർപേഴ്സൻ സി.കെ.രത്ന വല്ലി ,നഗരസഭ വൈസ് ചെയർമാൻ ജേക്കബ് സെബാസ്റ്റ്യൻ, ഡോ.പ്രഭാകരൻ, രാധാ രാഘവൻ, പി.ചന്ദ്രൻ ,കൗൺസിലർമാരായ മാർഗരറ്റ് തോമസ്, പി.വി. ജോർജ്, പി.വി ജോയി, ഷിബു കെ., ലേഖ രാജീവൻ, സ്മിതതോമസ്, എം.ഡി, വിൻസൻ്റ്, ഷീജ എം നാരായണൻ ,സജീവൻ കൊല്ലപ്പള്ളി, ടി.പി ശശീന്ദ്രൻ ,അർജുൻ എന്നിവർ പ്രസംഗിച്ചു.