അമ്പലവയല്‍: വിദ്യാര്‍ഥിനികളോട് മോശമായി പെരുമാറിയ സംഭവത്തില്‍ ഡോ. അരുള്‍ അരശനെതിരെ നടപടിയെടുക്കാത്തതില്‍ പ്രതിഷേധിച്ച് യൂത്ത് കോണ്‍ഗ്രസ് ഉപരോധസമരം നടത്തി. ഇന്നലെ മൂന്ന് മണിയോടെ കൃഷി വിജ്ഞാന കേന്ദ്രം മേധാവി ഡോ. വി.പി.രാജനെയാണ് യൂത്ത് കോണ്‍ഗ്രസ് ഉപരോധിച്ചത്. നടപടിയെടുക്കുമെന്ന് രജിസ്ട്രാര്‍ അറിയിച്ചെന്ന് മേധാവി അറിയിച്ചിട്ടും സമരത്തില്‍ നിന്ന് പിന്മാറാന്‍ യൂത്ത്‌കോണ്‍ഗ്രസ് തയ്യാറായില്ല. വാര്‍ത്തകള്‍ പുറത്ത് വന്നിട്ടും കൃഷി വിജ്ഞാന കേന്ദ്രത്തിലെത്തുകയും വിദ്യാര്‍ഥികളുടെ വിഷയങ്ങളില്‍ ഇടപെടുകയും ചെയ്യുന്ന ഡോ. അരുളിനെ മാറ്റി നിറുത്തുകയും പുറത്താക്കുകയും വേണമെന്ന് യൂത്ത് കോണ്‍ഗ്രസ് ആവശ്യപ്പെട്ടു. ഉപരോധം അവസാനിപ്പിക്കാതെ വന്നതോടെ അമ്പലവയല്‍ പൊലീസ് സ്ഥലത്തെത്തി. ഡോ. അരുള്‍ അരശിനെതിരെ നടപടിയെടുക്കാതെ പിന്മാറില്ലെന്ന് സമരക്കാര്‍ പൊലീസിനെ അറിയിച്ചു. തുടര്‍ന്ന് പൊലീസ് കൃഷി വിജ്ഞാന കേന്ദ്രം മേധാവിയുമായി സംസാരിക്കുകയും കാര്‍ഷിക സര്‍വകലാശാലയിലെ ബന്ധപ്പെട്ട ഉദ്യോഗസ്ഥരോട് ഫോണില്‍ വിവരങ്ങള്‍ ധരിപ്പിക്കുകയും ചെയ്യുകയും, പിന്നാലെ മേധാവി സംഭവത്തില്‍ കാരണം കാണിക്കല്‍ നോട്ടീസ് നല്‍കുകയുമായിരുന്നു. സ്ഥാപന മേധാവി ഇയാളെ 10 ദിവസത്തേക്ക് കേന്ദ്രത്തില്‍ പ്രവേശിപ്പിക്കുകയില്ലെന്നും നിര്‍ബന്ധിത അവധിയില്‍ പ്രവേശിക്കാന്‍ നിര്‍ദേശം നല്‍കുകയും, 10 ദിവസത്തിനുള്ളില്‍ അന്വേഷണം നടത്തി ഉചിതമായി നടപടി സ്വീകരിക്കുമെന്നും രേഖാമൂലം എഴുതി നല്‍കിയതോടെയാണ് പ്രതിഷേധം അവസാനിപ്പിച്ചത്. യൂത്ത് കോണ്‍ഗ്രസ് ജില്ലാ പ്രസിഡന്റ് അമല്‍ ജോയ്, ലയണല്‍ മാത്യു, അസിസ് വാളാട്, സിറില്‍ ജോസ്, മുതലിബ് പഞ്ചാര, ജിനു കോളിയാടി, അനീഷ് റാട്ടക്കുണ്ട്,അബ്ദുല്‍ മനാഫ്,രാഹുല്‍ ആലിങ്ങള്‍, സുഹൈല്‍ കമ്പളക്കാട്, ശ്രീലാല്‍ തൊവരിമല, ആഷിഖ് മന്‍സൂര്‍, യൂനസ് അലി, അസ്വിന്‍ ചുള്ളിയോട് എന്നിവര്‍ നേതൃത്വം നല്‍കി.
കൽപ്പറ്റ: ശമ്പള പരിഷ്കരണം വൈകുന്ന സാഹചര്യത്തിൽ സംസ്ഥാന ജീവനക്കാർക്കും അധ്യാപകർക്കും ഇടക്കാല ആശ്വാസം പ്രഖ്യാപിക്കാൻ സർക്കാർ തയ്യാറാവണമെന്ന് ഐസി ബാലകൃഷ്ണൻ എംഎൽഎ ആവശ്യപ്പെട്ടു. കേരള എൻ ജി...
കൽപ്പറ്റ:കേന്ദ്ര-സംസ്ഥാന സർക്കാരുകളുടെ ജനവിരുദ്ധ നയങ്ങൾക്കെതിരെ ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ ജൂലൈ 15ന് ചൊവ്വാഴ്ച രാവിലെ 10 മണിക്ക് കൽപ്പറ്റയിൽ സമര സംഗമം സംഘടിപ്പിക്കാൻ ജില്ലാ ജനറൽ...
സി.വി.ഷിബു. കൽപ്പറ്റ: തെങ്ങിന്റെ മടലും കളി ബാറ്റുകളുമൊക്കെയായി അവർ വീശി നടന്നതും സ്പെഷൽ ക്ലാസുണ്ടന്ന് കള്ളം പറഞ്ഞതും വെറുതെയായില്ല . മൂന്ന് വയനാടൻ വനിതാ താരങ്ങൾ ഇന്ത്യൻ...
. മാനന്തവാടി: വയനാട് മെഡിക്കൽ കോളേജിലെ ഉപയോഗ്യ ശൂന്യമായ പഴയ കെട്ടിടങ്ങൾ ഉടൻ പൊളിച്ചു നീക്കണമെന്ന് ഇന്ത്യൻ യൂണിയൻ മുസ്ലിം ലീഗ് എരുമത്തെരുവ് കമ്മറ്റി ആവശ്യപ്പെട്ടു. മുനീർ...
കൽപ്പറ്റ: കേരള റെക്കഗനൈസ്ഡ് സ്കൂൾ മാനേജ്മെൻ്റ് അസോഷിയേഷൻ സംസ്ഥാന കമ്മറ്റിയുടെ നേതൃത്വത്തിൽ ചൂരൽ മല ദുരന്തത്തിൽപ്പെട്ടവർക്കുള്ള ഭവന നിർമ്മാണത്തിൻ്റെ ഉദ്ഘാടനം കൽപ്പറ്റ നിയോജക മണ്ഡലം എം.എൽ എ...
