സങ്കീർണ്ണമായ ഹൃദയ ശസ്ത്രക്രിയകളെ അതിജീവിച്ച് ജീവിതത്തിലേക്ക് തിരിച്ചെത്തിയവരുടെ സ്നേഹസംഗമമായ “ഹൃദയസ്പർശം 2.0” പരിപാടിക്ക് അങ്കമാലി അപ്പോളോ അഡ്ലക്സ് ആശുപത്രി വേദിയായി. കാർഡിയോതൊറാസിക് ആൻഡ് വാസ്കുലർ സർജറിക്ക് (സി.ടി.വി.എസ്) വിധേയരായവരും അവരുടെ കുടുംബാംഗങ്ങളും അവരെ ചികിത്സിച്ച ഡോക്ടർമാരും വീണ്ടും ഒത്തുകൂടിയ ഈ പരിപാടി വൈകാരിക നിമിഷങ്ങൾക്ക് സാക്ഷ്യം വഹിച്ചു. 2024-25 കാലയളവിൽ ശസ്ത്രക്രിയ കഴിഞ്ഞവർക്കായി സൗജന്യ ഹെൽത്ത് ചെക്കപ്പും ഈ അവസരത്തിൽ ഒരുക്കിയിരുന്നു.
സീനിയർ കൺസൾട്ടന്റ് സി.ടി.വി.എസ് ഡോ. റിനറ്റ് സെബാസ്റ്റ്യൻ പരിപാടിയെക്കുറിച്ച് സംസാരിക്കവേ, “ഗുരുതരമായ ഹൃദയപ്രശ്നങ്ങളുമായി ആശുപത്രിയിൽ എത്തിയവർ ഇന്ന് ആരോഗ്യത്തോടെയും സന്തോഷത്തോടെയും ജീവിക്കുന്നത് കാണുന്നതാണ് ഏറ്റവും വലിയ സംതൃപ്തി മാത്രമല്ല പ്രസ്തുത കാലയളവിൽ ശസ്ത്രക്രിയകളിൽ എല്ലാം തന്നെ മരണ നിരക്ക് ‘പൂജ്യം’ ആണന്നതും ഏറെ അഭിമാനകരമായ കാര്യമാണ്. ‘ഹൃദയസ്പർശം’ കേവലം ഒരു പരിപാടിയല്ല, മറിച്ച് രോഗികളുടെ നിശ്ചയദാർഢ്യത്തിന്റെയും ഞങ്ങളിൽ അർപ്പിച്ച വിശ്വാസത്തിന്റെയും നേർചിത്രമാണ്. ലോകോത്തര നിലവാരത്തിലുള്ള ഹൃദയ ചികിത്സ എല്ലാവരിലേക്കും എത്തിക്കാനുള്ള ഞങ്ങളുടെ ദൗത്യത്തിന് ഈ ഒത്തുചേരൽ കൂടുതൽ ഊർജ്ജം പകരും,” എന്ന് വ്യക്തമാക്കി.
‘ഹൃദയസ്പർശം’ പോലുള്ള പരിപാടിയിൽ നിന്ന് പ്രചോദനം ഉൾക്കൊണ്ട്, കൂടുതൽ പേരിലേക്ക് ആധുനിക ഹൃദയ ചികിത്സാ സൗകര്യങ്ങൾ എത്തിക്കുന്നതിനായി പ്രത്യേക സി.ടി.വി.എസ് സർജറി ക്യാമ്പിന് തുടക്കം കുറിച്ചു. ജൂലൈ 15 വരെ നീണ്ടുനിൽക്കുന്ന ഈ ക്യാമ്പിന് സീനിയർ കൺസൾട്ടന്റ് സി.ടി.വി.എസ് ഡോ. റിനെറ്റ് സെബാസ്റ്റ്യൻ നേതൃത്വം നൽകും. ഓപ്പൺ ഹാർട്ട് സർജറി, മോഡേൺ ബീറ്റിങ്-ഹാർട്ട് ശസ്ത്രക്രിയ, കൊറോണറി ആർട്ടറി ബൈപാസ് ഗ്രാഫ്റ്റിംഗ് (CABG), മിനിമലി ഇൻവേസീവ് സർജറി എന്നിവയുൾപ്പെടെയുള്ള സേവനങ്ങൾ ഈ ക്യാമ്പിന്റെ ഭാഗമായി കുറഞ്ഞ ചെലവിൽ ലഭ്യമാകും.
കൂടാതെ, ഈ ക്യാമ്പിൽ സൗജന്യ രജിസ്ട്രേഷനും കൺസൾട്ടേഷനിൽ 50% ഇളവും ലഭിക്കും. ശസ്ത്രക്രിയയ്ക്ക് മുന്നോടിയായുള്ള പരിശോധനകൾക്ക് 50 ശതമാനം ഇളവും, കുറഞ്ഞ നിരക്കിൽ പ്രത്യേക സർജറി പാക്കേജുകളും ലഭ്യമാണ്. അടിയന്തര സാഹചര്യങ്ങൾ കണക്കിലെടുത്ത്, ആശുപത്രിയുടെ പത്ത് കിലോമീറ്റർ ചുറ്റളവിൽ സൗജന്യ ആംബുലൻസ് സേവനവും (ആംബുലൻസ് സേവനങ്ങൾക്ക്: 1066) ലഭ്യമാക്കിയിട്ടുണ്ടെന്ന് അപ്പോളോ അഡ്ലക്സ് ഹോസ്പിറ്റൽ സി.ഇ.ഒ ഡോ. ഏബൽ ജോർജ് അറിയിച്ചു. കൂടുതൽ വിവരങ്ങൾക്കും രജിസ്ട്രേഷനും +91 98954 94301 എന്ന നമ്പറിൽ ബന്ധപ്പെടാവുന്നതാണ്
ഒരു കുട്ടിയുടെ വളർച്ചയിൽ ഏറ്റവും പ്രധാന പങ്കുവഹിക്കുന്നത് അവരുടെ മാതാപിതാക്കളാണ്. പ്രത്യേകിച്ച് ഭിന്നശേഷിയുള്ളതോ അല്ലെങ്കിൽ വളർച്ചയിൽ പ്രത്യേക പിന്തുണ ആവശ്യമായതോ ആയ കുട്ടികളെ പരിപാലിക്കുമ്പോൾ, മാതാപിതാക്കളുടെ ഉത്തരവാദിത്തം...
മാനന്തവാടി: നീറ്റ് പേപ്പര് ചോര്ച്ചയില് ധര്മ്മേന്ദ്ര പ്രധാന്റെ രാജി ആവശ്യപ്പെട്ടു നടന്ന സമരത്തിന് നായകത്വം വഹിച്ച പ്രിയങ്ക ഗാന്ധി എം പിക്ക് വയനാട്ടിലെ വിവിധ കോളജുകളിലെ വിദ്യാര്ഥികള്...
കൽപ്പറ്റ: വിവിധ സംസ്ഥാനങ്ങളിലെയും കേന്ദ്ര പോലീസ് സേനയിലെയും ഉദ്യോഗസ്ഥർക്കായി ഹൈദ്രാബാദിലെ സെൻട്രൽ ഡിറ്റക്ടീവ് ട്രെയിനിംഗ് ഇൻസ്റ്റിറ്റ്യൂട്ടിൽ (CDTI) സംഘടിപ്പിച്ച നർകോടിക് കേസുകളുടെ അന്വേഷണ പരിശീലനത്തിൽ വയനാട് ജില്ലാ...
മാനന്തവാടി: ലഹരിവിരുദ്ധ സന്ദേശം സമൂഹത്തിലേക്ക് പകർന്നുനൽകുക എന്ന ലക്ഷ്യത്തോടെ മുതിരേരി ലിറ്റിൽ ഫ്ലവർ ചർച്ചിന്റെ നേതൃത്വത്തിൽ ലഹരിക്കെതിരെ ഗോളടിച്ച് എന്ന സന്ദേശവുമായി മിഷൻ ലീഗ് ഫുട്ബോൾ ടൂർണമെന്റ്...
നിലമ്പൂർ: ഗോത്ര മേഖലയിലെ പ്രശ്നങ്ങൾ സംബന്ധിച്ച് ഉദ്യോഗസ്ഥരുടെയും ആദിവാസി പ്രതിനിധികളുടെയും അവലോകനം യോഗം വിളിച്ച് പ്രിയങ്ക ഗാന്ധി എം.പി. നിലമ്പൂർ കെ. ടി. ഡി. സി. താമരിൻഡ്...
കൽപ്പറ്റ : രണ്ടാം വർഷത്തിലേക്ക് കടക്കുന്ന ഡോ. മൂപ്പൻസ് ലെഗസി സ്കോളർഷിപ്പ് ആന്റ് ഫെലോഷിപ്പ്സ് പ്രോഗ്രാം വിപുലീകരിച്ചു. കേരളത്തിലെ വിദ്യാർത്ഥികളിൽ പഠനത്തിൽ മികവ് പുലർത്തുന്നവരും എന്നാൽ സാമ്പത്തികമായി...
