കൽപ്പറ്റ: സങ്കീർണ്ണമായ രണ്ട് പീഡിയാട്രിക് ഹൃദയ ശസ്ത്ര ക്രിയകളാണ് കൽപ്പറ്റ ലിയോ മെട്രോ കാർഡിയാക് സെന്ററിൽ വിജയകരമായി പൂർത്തീകരിച്ചത്.
ഗൂഢലൂരിൽ നിന്നുള്ള 8 മാസം പ്രായമുള്ള കുഞ്ഞിന്റെ (PDA) 2 വലിയ രക്തകുഴലുകളിൽ ഉള്ള ദ്വാരം അടക്കൽ,
കണിയാമ്പറയിൽ നിന്നുള്ള ഒരു വയസുള്ള കുഞ്ഞിന്റെ (VSD) ഹ്യദയത്തിന്റെ താഴെ ഭാഗത്തുള്ള രണ്ട് അറകൾക്കിടയിലുള്ള ദ്വാരം അടക്കൽ എന്നിയവയാണ് വ്യജയകരമായി വായനാട്ടിൽ പൂർത്തീകരിച്ചത്.
3.50 ലക്ഷം മുതൽ 4 ലക്ഷം വരെ ചിലവ് വരുന്ന ശസ്ത്രക്രിയക്ക് വെറും അമ്പതിനായിരം (50000) രൂപ മാത്രമേ രക്ഷിതാക്കളിൽ നിന്നും ഈടാക്കിട്ടുള്ളൂ.
പീഡിയാട്രിക് ഇന്റെർവെൻഷനൽ കാർഡിയയോളോജിസ്റ് ഡോ. മുഹമ്മദ് കമറൺ ,സീനിയർ കാർഡിയോളോജിസ്റ്റുകളായ ഡോ .ബൈജുസ് , ഡോ .ജ്യോതിഷ് വിജയ്, അനസ്തറ്റിസ്റ്റായ ഡോ .ശ്രീഹർഷാ എന്നിവർ ആണ് നടപടികൾക്ക് നേതൃത്വം നല്കിയതെന്ന് ‘ലിയോ ഹോസ്പിറ്റൽ ലിയോ മെട്രോ കാർഡിയാക് സെന്റർ ഹെഡ് അഡ്മിനിസ്ട്രേഷൻ ടി പി വി രവീന്ദ്രൻ പറഞ്ഞു. .
സാധാരണ ഹൃദയത്തിൻ്റെ വലത്തെ മേലെ അറയിൽ നിന്ന് (ഏട്രിയം) ശ്വാസകോശത്തിലേക്ക് രക്തം പമ്പ് ചെയ്യുന്ന പൾമനറി ആർട്ടറിയും ഇടത്തെ കീഴേ അറയിൽ നിന്ന് (വെൻട്രിക്കിൾ ) പുറപ്പെടുന്ന അയോർട്ട യുമായി ബന്ധിപ്പിക്കുന്ന പി ഡി എ ( പേറ്റൻട് ഡക്ടസ്സ് ആർട്ടീരിയോസസ്സ് ) ജനിക്കുമ്പോൾ തന്നെ അടഞ്ഞുപോകാറുണ്ട് – വളരെ അപൂർവം കുട്ടികൾക്ക് ഇത് അടഞ്ഞുപോകാറില്ല . പണ്ടൊക്കെ നെഞ്ചു കീറിയുള്ള ഓപ്പറേഷനായിരുന്നു ചെയ്യാറുള്ളത്. പുതിയ സാങ്കേതിക വിദ്യ പ്രകാരം ജനറൽ അനസ്തീഷ്യയിൽ തുടയിൽ ചെറിയ ഒരു ഇൻസിഷ്യനിൽ കൂടി കത്തീറ്റർ ഇൻസർട്ട് ചെയ്ത് ദ്വാരം അടക്കുന്ന രീതിയാണ് ലിയോ മെട്രൊ കാത്ത് ലാബിൽ ഡോക്ടർ കംറാൻ ചെയ്തത് . വയനാട്ടിൽ ആദ്യമായാണ് ഇത് ചെയ്തതെന്നത് പ്രത്യേകതയാണ്.
രണ്ട് കുഞ്ഞുങ്ങളും സുഖം പ്രാപിച്ചുവരുന്നു.
