വൈത്തിരി ഗ്രാമപഞ്ചായത്ത്  കൃഷിഭവൻ കർഷക ദിനാചരണവും കാർഷിക സെമിനാറും സംഘടിപ്പിച്ചു

വൈത്തിരി ഗ്രാമപഞ്ചായത്ത് കൃഷിഭവൻ കർഷക ദിനാചരണവും കാർഷിക സെമിനാറും സംഘടിപ്പിച്ചു ചടങ്ങിൽ വൈസ് പ്രസിഡണ്ട് ഉഷ ജ്യോതിദാസ് അധ്യക്ഷത വഹിച്ചു. പഞ്ചായത്ത്പ്രസിഡണ്ട് എം വി വിജേഷ് ഉദ്ഘാടനം ചെയ്ത് സംസാരിച്ചു. കൃഷിഓഫീസർ അഖിൽ പി സ്വാഗതം പറഞ്ഞു.കൃഷി അസിസ്റ്റൻറ് ഡയറക്ടർ മാർക്കറ്റിംങ്ങ് ചിത്ര ആർ പദ്ധതി വിശദീകരണം നടത്തി.ചടങ്ങിൽ ബ്ലോക്ക് പഞ്ചായത്ത് മെമ്പർ എൽസി ജോർജ്, വികസനകാര്യ സ്റ്റാൻ്റിംഗ് കമ്മിറ്റി ചെയർമാൻ കെ കെ തോമസ് ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ജിനിഷ് ഒ ,പഞ്ചായത്ത് സെക്രട്ടറി സജീഷ് കെ.എസ് തുടങ്ങിയവർ ആശംസകൾ അറിയിച്ചു. പ്രസ്തുത പരിപാടിയിൽ പഞ്ചായത്തിലെ മികച്ച കർഷകരെ ആദരിച്ചു. സി ഡി എസ് ചെയർപേഴ്സൺ ,വാർഡ് മെമ്പർമാർ, വിവിധ രാഷ്ട്രീയ പാർട്ടി പ്രതിനിധികൾ, കർഷിക വികസന സമിതി അംഗങ്ങൾ , കുരുമുളക് സമിതി ഭാരവാഹികൾ, വിവിധ രാഷ്ട്രീയ- സാംസ്കാരിക – വ്യാപാര രംഗത്തെ പ്രമുഖർ, കർഷകർ തുടങ്ങിയവർ പങ്കെടുത്തു.കൃഷി അസിസ്റ്റന്റ് മഹേഷ് സി.കെ നന്ദി പറഞ്ഞു.ഉദ്ഘാടന സമ്മേളനത്തിന് ശേഷം നടന്ന കാർഷിക സെമിനാർ റിട്ടയേർഡ് പ്രിൻസിപ്പൽ കൃഷി ഓഫീസർ പി.വിക്രമൻ നയിച്ചു.