വെള്ളമുണ്ട: കേരള വ്യാപാരി വ്യവസായി ഏകോപന സമിതി വയനാട് ജില്ലാ കമ്മിറ്റിയംഗവും വെള്ളമുണ്ട എട്ടേനാൽ യൂണിറ്റ് ട്രഷററുമായ വെള്ളമുണ്ട എട്ടേനാലിലെ പൊതു പ്രവർത്തകൻ ഇ.എ. സ്റ്റോർ ഉടമ ഇസ്മാലി ഉസ്മാന്റെ അകാലത്തിലുള്ള നിര്യാണം ഒരു നാടിനെ ആകെ ദുഃഖത്തിലാക്കി.
ഇന്നലെ രാവിലെ 8.30 ന് മാങ്ങോട് പള്ളിയിലും 9 മണിക്ക് പഴഞ്ചന പള്ളിയിലും മയ്യത്ത് നിസ്കാരത്തിനായ് നൂറുകണക്കിന് ആളുകളാണ് പങ്കെടുത്തത്. പഴഞ്ചന ജുമാമസ്ജിദ് ഖബർ സ്ഥാനിലും നിരവധി പേർ പങ്കെടുത്തു.
നിര്യാണത്തെ തുടർന്ന് വെള്ളമുണ്ട സിറ്റിയിൽ ചേർന്ന സർവ്വ കക്ഷി അനുശോചന യോഗത്തിൽ നിരവധി പ്രമുഖർ സംസാരിച്ചു. വെള്ളമുണ്ട ഗ്രാമപഞ്ചായത്ത് പ്രസിഡന്റ്‌ സുധി രാധാകൃഷ്ണൻ, വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി, പഞ്ചായത്ത്‌ വൈസ് പ്രസിഡന്റ്‌ ജംഷീർ കുനിങ്ങരത്ത്, കേരള വ്യാപാരി വ്യവസായി ഏകോപന സമിതി ജില്ലാ സെക്രട്ടറി കെ. ഉസ്മാൻ, പി. മുഹമ്മദ്‌, ടി. കെ മമ്മൂട്ടി, എ ജോണി, കൂവണ വിജയൻ, നാസർ ടി, റഫീഖ് ടി,മുഹമ്മദലി അലുവ, കമ്പ അബ്ദുള്ള ഹാജി, മോയി ടി, ഷൌക്കത്തലി മൗലവി കെ തുടങ്ങിയവർ സംസാരിച്ചു.
