കൽപ്പറ്റ: വെണ്ണിയോട്‌ യുവതി അഞ്ചുവയസുള്ള മകളുമായി പുഴയില്‍ ചാടി ആത്മഹത്യ ചെയ്‌ത സംഭവത്തില്‍ ഭര്‍ത്താവിന്റെയും മാതാപിതാക്കളുടെയും ജാമ്യാപേക്ഷ കല്‍പ്പറ്റ ജില്ലാ കോടതി തള്ളി. പ്രിന്‍സിപ്പല്‍ ജില്ലാ ജഡ്‌ജ്‌ ജോണ്‍സണ്‍ ജോണ്‍ ആണ്‌ മുന്‍കൂര്‍ ജാമ്യാപേക്ഷ തള്ളിയത്‌. ഗാര്‍ഹിക പീഡനവും മര്‍ദനവുമൂലമാണ്‌ ദര്‍ശന കുഞ്ഞുമായി ആത്മഹത്യ ചെയ്യാന്‍ കാരണമെന്ന പ്രോസിക്യൂഷന് വാദം കണക്കിലെടുത്താണ്‌ ജാമ്യാപേക്ഷ തള്ളിയത്‌. പ്രതികൾക്ക് ഹൈക്കോടതിയിൽ നിന്ന് ജാമ്യം ലഭിച്ചില്ലങ്കിൽ അറസ്റ്റുണ്ടായേക്കും.
ദര്‍ശനയുടെ ഭര്‍ത്താവ്‌ ഓംപ്രകാശ്‌, അച്ഛന്‍ ഋഷഭരാജന്‍, അമ്മ ബ്രാഹ്മില എന്നിവരുടെ മുന്‍കൂര്‍ ജാമ്യാപേക്ഷയാണ്‌ കല്‍പ്പറ്റ പ്രിന്‍സിപ്പല്‍ ജില്ലാ ജഡ്‌ജ്‌ ജോണ്‍സണ്‍ ജോണ്‍ തള്ളിയത്‌. ദര്‍ശനയുടെയും ദക്ഷയുടെയും സംസ്‌കാരത്തിന്‌ ശേഷം ഓംപ്രകാശും കുടുംബവും ഒളിവിലാണെന്ന്‌ പ്രോസിക്യൂഷന് കോടതിയെ ബോധിപ്പിച്ചു.
കുടുംബാംഗങ്ങളില്‍ നിന്ന് ഗാര്‍ഹിക പീഡനവും മര്‍ദനവുമുണ്ടായതായും ഇതാണ്‌ ദര്‍ശന മകളുമായി ആത്മഹത്യ ചെയ്യാനുള്ള കാരണമെന്നും പ്രോസിക്യൂഷന് കോടതിയെ ധരിപ്പിച്ചു.
ഈ സാഹചര്യത്തിലാണ്‌ കോടതി മുന്‍കൂര്‍ ജാമ്യാപേക്ഷ തള്ളിയത്‌. പ്രോസിക്യൂഷന് വേണ്ടി പബ്ലിക്ക്‌ പ്രോസിക്യൂട്ടര്‍ എംകെ ജയപ്രമോദാണ്‌ ഹാജരായത്‌. ഇക്കഴിഞ്ഞ 13നാണ്‌ പാത്തിക്കല്‍ പാലത്തില്‍ നിന്ന് വെണ്ണിയോട്‌ പുഴയിലേക്ക്‌ വിഷം കഴിച്ച ശേഷം ദര്‍ശന മകള്‍ ദക്ഷയുമായി ചാടിയത്‌ . അടുത്ത ദിവസം മേപ്പാടി സ്വകാര്യ മെഡിക്കല്‍ കോളേജില്‍ ചികിത്സയിലിരിക്കെ മരിച്ചു. ദക്ഷയുടെ മൃതദേഹം മൂ്‌ന്ന്‌ ദിവസത്തിന്‌ ശേഷമാണ്‌ മൂന്ന്‌ കിലോമീറ്റര്‍ അകലയുള്ള കൂടല്‍ കടവില്‍നിന്ന്‌ ദക്ഷയുടെ മൃതദേഹം കിട്ടിയത്‌. ഭര്‍തൃകുടുംബത്തിനെതിരായ ഡിജിറ്റില്‍ തെളിവുകള്‍ ദര്‍ശനയുടെ ബന്ധുക്കള്‍ പൊലീസിന്‌ കൈമാറിയിട്ടുണ്ട്‌. മുന്‍കൂര്‍ ജാമ്യാപേക്ഷ തള്ളിയ സാഹചര്യത്തില്‍ അറസ്റ്റ്‌ നടപടിയിലേക്ക്‌ കടക്കാനൊരുങ്ങുകയാണ്‌ കേസ്‌ അന്വേഷിക്കുന്ന കല്‍പ്പറ്റ ഡിവൈഎസ്‌പി ടി എന്‍ സജീവനും സംഘവും.ഒളിവിലുള്ള പ്രതികളെ കണ്ടെത്തുന്നതിന് പോലീസ് അന്വേഷണം ഊർജ്ജിതമാക്കി.
#മിഡിൽ ഈസ്റ്റിൽ നിന്നും ഇന്ത്യ ഉൾപ്പെടെയുള്ള ഏഷ്യൻ രാജ്യങ്ങളിലേക്കുള്ള പണമിടപാടിന് സർക്കിളിന്റെ ഡിജിറ്റൽ ഡോളറായ USDC ഇനി മുതൽ ഉപയോഗപ്പെടുത്തും. കൊച്ചി: രാജ്യാന്തര തലത്തിൽ കറൻസി വിനിമയത്തിന്...
കല്‍പ്പറ്റ: ഇടതു സര്‍ക്കാര്‍ കഴിഞ്ഞ എട്ടര വര്‍ഷമായി തുടരുന്ന അധ്യാപക ദ്രോഹ നടപടികള്‍ അവസാനിപ്പിക്കണമെന്ന് ഐ.എന്‍.ടി.യു.സി ജില്ലാ പ്രസിഡന്റ്.പി ..പി .ആലി ആവശ്യപ്പെട്ടു. പങ്കാളിത്ത പെന്‍ഷന്‍ പദ്ധതി...
പാലക്കാട്.. കല്ലടിക്കോടിൽ സ്കൂള്‍ വിദ്യാര്‍ത്ഥികള്‍ക്കിടയിലേക്ക് ലോറി ഇടിച്ചുകയറി അപകടത്തിൽ മരിച്ച നാല് വിദ്യാർത്ഥികളുടെയും പോസ്റ്റ്മോർട്ടം പൂർത്തിയായി. അപകടത്തിൽ റോഡിലൂടെ നടക്കുകയായിരുന്ന നിരവധി വിദ്യാര്‍ത്ഥികള്‍ക്ക് പരിക്കേറ്റു. ഇന്ന് വൈകിട്ട്...
കല്‍പ്പറ്റ: ചൂരല്‍മല-മുണ്ടക്കൈ ഉരുള്‍പ്പൊട്ടല്‍ ദുരന്തബാധിതരുടെ പുനരധിവാസം ഇനിയും വൈകിയാല്‍ സംസ്ഥാനവ്യാപകമായി വലിയ സമരങ്ങള്‍ക്ക് നേതൃത്വം നല്‍കുമെന്ന് പ്രതിപക്ഷനേതാവ് വി ഡി സതീശന്‍. അടിയന്തരമായി സര്‍വകക്ഷിയോഗം വിളിച്ചുചേര്‍ത്ത് തുടര്‍നടപടികളിലേക്ക്...
കൽപ്പറ്റ: കേന്ദ്ര സർക്കാർ ആവിഷ്കരിച്ച മുതിർന്ന പൗരന്മാർക്കുള്ള ഇൻഷുറൻസ് പദ്ധതിയായ പ്രധാൻ മന്ത്രി ജൻ ആരോഗ്യ യോജന പദ്ധതിയിൽ ചേരാനായുള്ള വയസ്സ് 70 എന്നുള്ളത് 65 വയസ്സായി...
കോഴിക്കോട്: തൂണേരിക്കാരനായ കരാറുകാരന്‍ ദാസന്‍ കെ.കെ. 35 വര്‍ഷമായി ഉപയോഗിക്കുന്നത് എസിസി ഉല്‍പ്പന്നങ്ങള്‍ മാത്രം. ജില്ലയുടെ വിവിധ ഭാഗങ്ങളിലായി ഇതിനകം 500ലേറെ വീടുകള്‍ ദാസന്‍ നിര്‍മിച്ചിട്ടുണ്ട്. 1988ല്‍...
