മേപ്പാടി: ജില്ലയിലെ ബി എസ് എൻ എൽ ജീവനക്കാർക്കും അവരുടെ ആശ്രിതർക്കും പൂർണ്ണ ചികിത്സ ഉറപ്പുവരുത്തുന്നതിനായി ഡോ. മൂപ്പൻസ് മെഡിക്കൽ കോളേജുമായി ധാരണാ പത്രത്തിൽ ഒപ്പു വെച്ചു. മെഡിക്കൽ കോളേജിൽ നിലവിൽ ലഭ്യമായ സൂപ്പർ സ്‌പെഷ്യാലിറ്റി അടക്കമുള്ള എല്ലാ വിഭാഗങ്ങളിലെയും സർജറി അടക്കമുള്ള ചികിത്സകൾ ഈ സ്കീമിൽ ജീവനക്കാർക്ക് ലഭ്യമാകും. ജൂൺ ഒന്നുമുതൽ ലഭ്യമാകുന്ന ഈ പദ്ധതിക്കായി തെരഞ്ഞെടുക്കപ്പെട്ട ജില്ലയിലെ ഏക മെഡിക്കൽ കോളേജാണ് ഡോ. മൂപ്പൻസ് മെഡിക്കൽ കോളേജ്. ഇന്റർവെൻഷണൽ കാർഡിയോളജി സേവനങ്ങൾ, ന്യൂറോ സർജറി, ഓങ്കോളജി, യൂറോളജി, നെഫ്റോളജി, ഫിസിക്കൽ മെഡിസിൻ ആൻഡ് റീഹാബിലിറ്റേഷൻ, ഗ്യാസ്ട്രോളജി തുടങ്ങിയ എല്ലാ സൂപ്പർ സ്‌പെഷ്യാലിറ്റി സേവനങ്ങളും ഈ പദ്ധതിയിലൂടെ ജീവനക്കാർക്ക് ലഭ്യമാകും. ജീവനക്കാരും ആശ്രിതരുമായി ഏകദേശം 5000 ത്തോളം ആളുകൾക്ക് ഇതിന്റെ പ്രയോജനം ലഭിക്കും. ബിഎസ്എൻഎൽ ഓഫീസിൽ നടന്ന ചടങ്ങിൽ ഡോ. മൂപ്പൻസ് മെഡിക്കൽ കോളേജിനുവേണ്ടി അസിസ്റ്റന്റ് ജനറൽ മാനേജർ ഡോ. ഷാനവാസ്‌ പള്ളിയാൽ, ഇൻഷുറൻസ് വിഭാഗം മാനേജർ വിനൂപ് നാഥ് എന്നിവരും ബി എസ് എൻ എല്ലിനുവേണ്ടി ഡെപ്യൂട്ടി ജനറൽ മാനേജർ മഞ്ജുനാഥ എൻ എന്നിവർ ധാരണാ പത്രത്തിൽ ഒപ്പുവെച്ചു.കൂടുതൽ വിവരങ്ങൾക്ക് 8111881178 ൽ വിളിക്കാവുന്നതാണ്.
. ദന്തചികിത്സാ മേഖലയിൽ ദന്തക്രമീകരണ ചികിത്സകൾ മാത്രമായി 'മീത്തൽ അലൈനേഴ്സ്' എന്ന ഓർത്തോഡോന്റിക്‌സ് ക്ലിനിക്കിന്റെ ഉദ്ഘാടനച്ചടങ്ങ് കൽപ്പറ്റയിൽ നടന്നു. കൽപ്പറ്റയിൽ 20 വർഷമായി സേവനമനുഷ്ഠിക്കുന്ന മീത്തൽ ഡെന്റൽ...
മേപ്പാടി: വയനാട് ജില്ലയിലെ പോലീസ് ഉദ്യോഗസ്ഥർക്കും അവരുടെ കുടുംബാംഗങ്ങൾക്കുമായി കുറഞ്ഞ നിരക്കിലുള്ള ആരോഗ്യ പരിശോധനാ ക്യാമ്പും സ്പെഷ്യൽ പ്രിവിലേജ് കാർഡ് വിതരണവും സംഘടിപ്പിച്ച് ഡോ. മൂപ്പൻസ് മെഡിക്കൽ...
കല്‍പ്പറ്റ: ചെന്നൈയില്‍ ഇന്നലെ ചേര്‍ന്ന മുസ്ലിം ലീഗ് ദേശീയ കൗണ്‍സില്‍ യോഗത്തില്‍ പുതിയ ദേശീയ കമ്മിറ്റി പ്രഖ്യാപനമുണ്ടായപ്പോള്‍ ഏറ്റവും ആഹ്ലാദിച്ച ജില്ല വയനാടായിരുന്നു. വയനാട്ടുകാരിയായ ജയന്തി രാജന്‍...
