മാനന്തവാടി :- കേരളത്തിന്റെ നെല്ലച്ഛൻ എന്നറിയപ്പെടുന്ന മാനന്തവാടി കമ്മന സ്വദേശി പദ്മശ്രീ ലഭിച്ച ചെറുവയൽ രാമനെ മഹിളാ കോൺഗ്രസ് വയനാട് ജില്ലാ കമ്മിറ്റി അദ്ദേഹത്തിൻ്റെ സ്വവസതിയിൽ ചെന്ന് ആദരിച്ചു. നിരവധി നെൽവിത്തുകളുടെ പ്രചാരകനും, സൂക്ഷിപ്പുകാരനും, സംരക്ഷകനുമാണ് അദ്ദേഹം. അപൂർവവും, അന്യം നിന്നു പോയതുമായ നെൽവിത്തുകളെ സംരക്ഷിക്കുകയെന്ന ചരിത്ര ദൗത്യം ഏറ്റെടുത്തിരിക്കുന്ന ചെറു വയൽരാമൻ നാടിന് മാതൃകയാണെന്ന് അദ്ദേഹത്തെ ആദരിച്ചു കൊണ്ട് മഹിളാ കോൺഗ്രസ് വയനാട് ജില്ലാ പ്രസിഡണ്ട് ചിന്നമ്മ ജോസ് പറഞ്ഞു. അഡ്വ.ഗ്ലാഡീസ് ചെറിയാൻ, മാർഗരറ്റ് തോമസ്, ആശ ഐപ്പ്, ജെൻസി ബിനോയി എന്നിവർ പങ്കെടുത്തു.
