കേരള വ്യവസായികപരിശീലന വകുപ്പിന്റെ ആഭിമുഖ്യത്തിൽ നടത്തുന്ന ഐ.ടി.ഐ.കളിൽ നിന്നും പരിശീലനം പൂർത്തിയാക്കിയ ഉദ്യോഗദ്യോഗാർത്ഥികൾക്കുള്ള ജില്ലാതല തൊഴിൽ മേള വെളളിയാഴ്ച കൽപ്പറ്റ കെ.എം.എം. ഗവ. ഐ.ടി.ഐ.യിൽ നടക്കും. സ്പെക്ട്രം ജോബ് ഫെയർ എന്ന പേരിൽ നടത്തുന്ന തൊഴിൽ മേളയിൽ മുപ്പതിലധികം തൊഴിൽ ദായക സ്ഥാപനങ്ങൾ പങ്കെടുക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. ജോബ് ഫെയറിൽ പങ്കെടുക്കുന്ന ഉദ്യോഗാർത്ഥികൾ കേരള സർക്കാരിന്റെ നോളഡ്ജ് ഇക്കോണമി മിഷൻ തയ്യാറാക്കിയ ഡിജിറ്റൽ വർക്ക് സ്പേസ് മാനേജ്മെന്റ് സിസ്റ്റം എന്ന മൊബൈൽ ആപ്ലിക്കേഷൻ വഴിയാണ് രജിസ്റ്റർ ചെയ്യേണ്ടത്. ജോബ് ഫെയറിന്റെ ഉദ്‌ഘാടനം ആറാം തിയതി രാവിലെ 10.30- ന് കൽപ്പറ്റ നിയോജക മണ്ഡലം എം.എൽ.എ. അഡ്വ.ടി.സിദ്ദീഖ് നിർവ്വഹിക്കും. സംഘാടക സമിതി ജനറൽ കൺവീനർ, എ.എ, അജിത് സംഘാടക സമിതി ചെയർ പേഴ്സൺ കെ.കെ. വത്സല, ബിനു ആന്റണി, ജീവൻ ജോൺസ്, പി.പി. ജ്യോതിഷ് എന്നിവർ വാർത്താ സമ്മേളനത്തിൽ പങ്കെടുത്തു.
