*തിരുവനന്തപുരം:* നവംബറില് നടക്കാനിരിക്കുന്ന രാജ്യത്തെ ഏറ്റവും വലിയ സ്റ്റാര്ട്ടപ്പ് ഫെസ്റ്റിവലുകളില് ഒന്നായ ഹഡില് ഗ്ലോബല്-2024 ന്റെ പ്രചാരണാര്ഥം കേരള സ്റ്റാര്ട്ടപ്പ് മിഷന് (കെഎസ്യുഎം) ടെക്നോപാര്ക്കില് ഹഡില് ഗ്ലോബല് റോഡ് ഷോ സംഘടിപ്പിച്ചു. നവംബര് 28, 29, 30 എന്നീ തിയതികളില് തിരുവനന്തപുരത്താണ് ഹഡില് ഗ്ലോബല് സമ്മേളനം നടക്കുന്നത്.
ഹഡില് ഗ്ലോബല് 2024 ലേക്ക് പങ്കാളികളെയും സ്റ്റാര്ട്ടപ്പുകളേയും നിക്ഷേപകരെയും ആകര്ഷിക്കുക എന്ന ലക്ഷ്യത്തോടെ കെഎസ്യുഎം സംഘടിപ്പിക്കുന്ന മൂന്നാമത്തെ റോഡ് ഷോ ആണിത്. ആദ്യ രണ്ട് റോഡ് ഷോകള് യഥാക്രമം കൊച്ചിയിലും കോഴിക്കോടും നടന്നു.
കെഎസ്യുഎം സിഇഒ അനൂപ് അംബിക ഹഡില് ഗ്ലോബലിനെ കുറിച്ച് വിശദമായ അവതരണം നടത്തി. ജിടെക് സെക്രട്ടറിയും ടാറ്റ എല്ക്സി സെന്റര് മേധാവിയുമായ ശ്രീകുമാര് വി പ്രത്യേക പ്രഭാഷണം നടത്തി.
ചടങ്ങില് ഹഡില് ഗ്ലോബലിന്റെ വീഡിയോ പ്രദര്ശിപ്പിച്ചു. സ്റ്റാര്ട്ടപ്പ് സ്ഥാപകരായ ടൈംട്രോണിക് സിഇഒ ശങ്കരി ഉണ്ണിത്താന്, ഫ്രഷ് മൈന്ഡ് ഐഡിയാസ് സ്ഥാപകന് അജയ് എസ് നായര്, ടെക്നോപാര്ക്ക് ടുഡേ മാനേജിംഗ് എഡിറ്റര് രഞ്ജിത്ത് ആര് എന്നിവര് ഹഡില് ഗ്ലോബലിന്റെ മുന് പതിപ്പുകളെ കുറിച്ചുള്ള അനുഭവം പങ്കുവെച്ചു. ട്രിനിറ്റി കോളേജ് പ്രിന്സിപ്പല് ഡോ.അരുണ് എസ്, കെഎസ്യുഎം സീനിയര് മാനേജര് അശോക് കുര്യന് പഞ്ഞിക്കാരന്, പിആര് അസിസ്റ്റന്റ് മാനേജര് അഷിത വി.എ എന്നിവര് സംസാരിച്ചു.
ടെക്നോപാര്ക്കിലെ ട്രാവന്കൂര് ഹാളില് നടന്ന ചടങ്ങില് പ്രാദേശിക സ്റ്റാര്ട്ടപ്പുകളുടെ വെല്ലുവിളികള്, വിജയഗാഥകള്, നെറ്റ് വര്ക്കിംഗിനുള്ള അവസരങ്ങള്, നിക്ഷേപം, ആഗോള വിപണി പ്രവേശനം എന്നിവയെ അഭിസംബോധന ചെയ്യുന്ന നഗര-നിര്ദ്ദിഷ്ട പാനല് ചര്ച്ചകളും അവതരിപ്പിച്ചു.
ഹഡില് ഗ്ലോബലില് പങ്കെടുക്കാന് രജിസ്റ്റര് ചെയ്യാനുള്ള ലിങ്ക്: huddleglobal.co.in/.
കൽപ്പറ്റ : രണ്ടാം വർഷത്തിലേക്ക് കടക്കുന്ന ഡോ. മൂപ്പൻസ് ലെഗസി സ്കോളർഷിപ്പ് ആന്റ് ഫെലോഷിപ്പ്സ് പ്രോഗ്രാം വിപുലീകരിച്ചു. കേരളത്തിലെ വിദ്യാർത്ഥികളിൽ പഠനത്തിൽ മികവ് പുലർത്തുന്നവരും എന്നാൽ സാമ്പത്തികമായി...
തരിയോട്: തരിയോട് ഫൊറോന വൈദിക സമിതിയുടെ ആഭിമുഖ്യത്തിൽ ചേർന്ന ഫൊറോന വൈദിക സമ്മേളനത്തിൽ വിവിധ ജനകീയ-കാർഷിക വിഷയങ്ങൾ ഉന്നയിച്ച് മൂന്ന് പ്രമേയങ്ങൾ പാസാക്കി. പടിഞ്ഞാറത്തറ–പൂഴിത്തോട് റോഡിന്റെ നിർമ്മാണം...
കൽപ്പറ്റ: ജില്ലയില് അഞ്ച് കുട്ടികള്ക്ക് കൂടി ഷിഗെല്ല സ്ഥിരീകരിച്ചു. ഏഴാം തീയതി പരിശോധനയ്ക്ക് അയച്ച സാമ്പിളുകളുടെ ഫലമാണ് പോസിറ്റീവായത്. അഞ്ച്, ഏഴ്, എട്ട്, ഒമ്പത്, 11 വയസ്സുള്ള...
മാനന്തവാടി കോണ്ഗ്രിഗേഷന് ഓഫ് ദ സിസ്റ്റേഴ്സ് ഓഫ് ചാരിറ്റി ഓഫ് സെന്റ് വിന്സന്റ് ഡി പോള്(വിന്സന്ഷ്യന് സിസ്റ്റേഴ്സ്) സന്യാസിനീസമൂഹാംഗം സിസ്റ്റര് ഫ്രാന്സിസ്ക വടശേരില് എസ്സിവി(85)അന്തരിച്ചു. സംസ്കാരം നാളെ...
ഗുജറാത്തിലെ അഹമ്മദാബാദ് ഗാന്ധി നഗറിൽ വച്ചു നടന്ന ദേശീയ തല പഞ്ചഗുസ്തി ചാമ്പ്യൻഷിപ്പിൽ മാസ്റ്റേഴ്സ് വിഭാഗത്തിൽ (ഹെവി വെയ്റ്റ് ) രണ്ടാം സ്ഥാനം സ്ഥാനം നേടി വയനാട്...
തിരുവനന്തപുരം : സി.എം.ആർ.എൽ - എക്സാലോജിക് സാമ്പത്തിക ഇടപാടുമായി (മാസപ്പടി കേസ്) ബന്ധപ്പെട്ട് മുൻ കേരള മുഖ്യമന്ത്രി പിണറായി വിജയന്റെ മകൾ വീണ വിജയനെതിരെ എൻഫോഴ്സ്മെന്റ് ഡയറക്ടറേറ്റ്...
