കല്പ്പറ്റ: വയനാട് ഫ്ളവര്ഷോയ്ക്ക് കല്പ്പറ്റയില് തുടക്കമായി. വയനാട് അഗ്രി ഹോര്ട്ടികള്ച്ചറല് സൊസൈറ്റി കല്പ്പറ്റ ബൈപ്പാസ് ഗ്രൗണ്ടില് സംഘടിപ്പിക്കുന്ന വയനാട് ഫ്ളവര്ഷോ അഡ്വ. ടി സിദ്ധിഖ് എം എല് എ ഉദ്ഘാടനം ചെയ്തു.വയനാട്ടിലെത്തുന്ന വിനോ സഞ്ചാരികൾക്ക് ഈ നാട്ടിൻ്റെ ജൈവ വൈവിധങ്ങളെയും,.സംസ്ക്കാരിക പൈതൃകങ്ങൾ ഉൾപ്പെടെ ഒരു കുടക്കീഴിൽ കാണാൻ സാധിക്കുന്ന സൗകര്യമാണ് വയനാട് ഫ്ളവർ ഷോയിൽ ഒരുക്കിയിരിക്കുന്നതെന്ന് അദ്ദേഹം പറഞ്ഞു. ജില്ലാകലക്ടര് ഡോ. രേണുരാജ് അധ്യക്ഷയായിരുന്നു. എഡിഎം എൻ ഐ ഷാജു, സൊസൈറ്റി വൈസ് ചെയര്മാന് ജോണി പാറ്റാനി, ജനറല് കണ്വീനര് കെ.എസ് രമേശ്, അജിത് കുമാർ, ഡി രാജൻ, അലവിക്കുട്ടി, എ ദേവകി, ബിമല്കുമാര് എം എ, വി പി രത്നരാജ്, മോഹന് രവി, ഫൈനാന്സ് കമ്മിറ്റി കണ്വീനര് ഒ എ വിരേന്ദ്രകുമാര് തുടങ്ങിയവര് സംസാരിച്ചു. ഫ്ളവര്ഷോയുടെ പ്രചരണാർത്ഥം ബുധനാഴ്ച വൈകിട്ട് കല്പ്പറ്റയില് വിളംബര ജാഥ നടന്നു. ചന്ദ്രഗിരി ഓഡിറ്റോറിയം മുതല് ഫ്ളവര് ഷോ ഗ്രൗണ്ട് വരെ നടന്ന വിളംബരജാഥയില് ശിങ്കാരിമേളം, പൂക്കാവടി, നാസിക്ഡോള്, വയനാടിന്റെ തനത് രൂപമായും ചീനിയും തുടിയും, കോല്ക്കളി, ദഫ്മുട്ട് എന്നിങ്ങനെ വിവിധ കലാരൂപങ്ങളുമുണ്ടായിരുന്നു. ഒട്ടേറെ പുതുമകളുമായാണ് ഇടവേളക്ക് ശേഷം വീണ്ടും വയനാട് ഫ്ളവര്ഷോയുമായി അഗ്രി ഹോട്ടികള്ച്ചറല് സൊസൈറ്റി എത്തുന്നത്. നഗരവീഥിയിലൂടെ രഥയാത്ര, ഹെലികോപ്റ്റര് യാത്ര എന്നിവ ഇത്തവണത്തെ ഫ്ളവര്ഷോയ്ക്ക് മാറ്റ് കൂട്ടും. പുഷ്പ, ഫല, സസ്യപ്രദര്ശനമെന്ന നിലയില് പ്രത്യേകം സജ്ജമാക്കിയിട്ടുള്ള പൂക്കളുടെ വിശാലമായ ശേഖരമാണ് മറ്റൊരു പ്രത്യേകത. ഇതോടൊപ്പം തന്നെ കാര്ഷിക ഉല്പന്നങ്ങളുടെ പ്രദര്ശനവും നടക്കും. കുട്ടികള്ക്കും, വിദ്യാര്ഥികളും, വീട്ടമ്മമാര്ക്കുമായി നിരവധി മത്സരങ്ങളും ഒരുക്കിയിട്ടുണ്ട്. വെജിറ്റബിള് കാര്വിങ്, ഫ്ളവര് അറേഞ്ച്മെന്റ് മത്സരം, പുഷ്പരാജ, പുഷ്പറാണി മത്സരങ്ങള്, പാചകമത്സരം, മൈലാഞ്ചി അണിയിക്കല് മത്സരം, കട്ട്ഫ്ളവര്, മിസ് ഫ്ളവര്ഷോ, പുഞ്ചിരിമത്സരം, ചിത്രരചനാമത്സരം എന്നിങ്ങനെ നിരവധിയായ മത്സരങ്ങളും ഇത്തവണത്തെ ഫ്ളവര്ഷോയുടെ ഭാഗമായി നടക്കും. അമ്യൂസ്മെന്റ് പാര്ക്ക്, ഫുഡ്കോര്ട്ട്, സ്റ്റാളുകള്, എന്നിവയുമുണ്ടാകും. അതോടൊപ്പം എല്ലാദിവസം പ്രമുഖര് അണിനിരക്കുന്ന കലാപരിപാടികളും അരങ്ങേറും.
വയനാട് ജില്ലയിലെ മതപഠന-ട്യൂഷന്-സ്പെഷ്യല് ക്ലാസുകള്ക്ക് ഇന്ന് അവധി കേന്ദ്ര കാലാവസ്ഥ വകുപ്പ് ജാഗ്രതാ നിര്ദേശം നല്കിയ സാഹചര്യത്തില് ജില്ലയിലെ മതപഠന ക്ലാസ്സുകള്, ട്യൂഷന് സെന്ററുകള്, സ്പെഷ്യല് ക്ലാസ്സുകള്,...
Nanotechnology leaders, researchers, industry and startups converge in Bengaluru to advance the next frontier of Innovation. Devadas TP -Industry Technology...
കെട്ടിട ഉടമകളുടെ പ്രധാന പ്രശ്നങ്ങൾ പരിഹരിക്കുന്നതിന് ആവശ്യമായ നടപടികൾ സ്വീകരിക്കുക തന്നെ ചെയ്യുമെന്ന് മുഖ്യമന്ത്രി വി.ഡി സതീശൻ. കേരള ബിൽഡിംഗ് ഓണേഴ്സ് വെൽഫെയർ അസോസിയേഷൻ സംസ്ഥാന നേതൃത്വം...
ഒരു കുട്ടിയുടെ വളർച്ചയിൽ ഏറ്റവും പ്രധാന പങ്കുവഹിക്കുന്നത് അവരുടെ മാതാപിതാക്കളാണ്. പ്രത്യേകിച്ച് ഭിന്നശേഷിയുള്ളതോ അല്ലെങ്കിൽ വളർച്ചയിൽ പ്രത്യേക പിന്തുണ ആവശ്യമായതോ ആയ കുട്ടികളെ പരിപാലിക്കുമ്പോൾ, മാതാപിതാക്കളുടെ ഉത്തരവാദിത്തം...
മാനന്തവാടി: നീറ്റ് പേപ്പര് ചോര്ച്ചയില് ധര്മ്മേന്ദ്ര പ്രധാന്റെ രാജി ആവശ്യപ്പെട്ടു നടന്ന സമരത്തിന് നായകത്വം വഹിച്ച പ്രിയങ്ക ഗാന്ധി എം പിക്ക് വയനാട്ടിലെ വിവിധ കോളജുകളിലെ വിദ്യാര്ഥികള്...
കൽപ്പറ്റ: വിവിധ സംസ്ഥാനങ്ങളിലെയും കേന്ദ്ര പോലീസ് സേനയിലെയും ഉദ്യോഗസ്ഥർക്കായി ഹൈദ്രാബാദിലെ സെൻട്രൽ ഡിറ്റക്ടീവ് ട്രെയിനിംഗ് ഇൻസ്റ്റിറ്റ്യൂട്ടിൽ (CDTI) സംഘടിപ്പിച്ച നർകോടിക് കേസുകളുടെ അന്വേഷണ പരിശീലനത്തിൽ വയനാട് ജില്ലാ...
