വയനാട് ജില്ലാ സി.ബി.എസ്.ഇ. ശാസ്ത്ര ഗണിതശാസ്ത്ര പ്രവൃത്തി പരിചയ മേളയുടെ ലോഗോ, “എൻലൈറ്റൻ 2023” പ്രകാശനം ചെയ്തു.

വയനാട് ജില്ലാ സി.ബി.എസ്.ഇ. ശാസ്ത്ര ഗണിതശാസ്ത്ര പ്രവൃത്തി പരിചയ മേളയുടെ ലോഗോ, “എൻലൈറ്റൻ 2023” പ്രകാശനം ചെയ്തു.
നവംബർ 16,17 തീയതികളായി ബത്തേരി പൂമല മെക്ലോഡ്സ് ഇംഗ്ലീഷ് സ്കൂളിൽ വെച്ച് നടക്കുന്ന സി.ബി.എസ്.ഇ. ജില്ലാ ശാസ്ത്ര ഗണിതശാസ്ത്ര-പ്രവൃത്തി പരിചയമേളയുടെ ലോഗോയും മാനുവലും കൽപ്പറ്റ എം.എൽ.എ, ടി സിദ്ദിഖിൽ നിന്നും വയനാട് ജില്ലാ കളക്ടർ രേണു രാജ്.ഐ.എ.എസ്. ഏറ്റുവാങ്ങി പ്രകാശനം ചെയ്തു .
മേളയുടെ സുഗമമായ നടത്തിപ്പിനായി വയനാട് ജില്ലയിലെ എം.എൽ.എ.മാരായ ടി. സിദ്ദിഖ്, ഐസി ബാലകൃഷ്ണൻ, ഒ ആർ കേളു എന്നിവർ രക്ഷാധികാരികളായി 101 അംഗ സ്വാഗതസംഘം രൂപീകരിച്ചു.
പൊതുജനങ്ങൾക്കായി സംഘടിപ്പിച്ച ലോഗോ ഡിസൈനിങ് മത്സരത്തിൽ ചെറുകാട്ടൂർ സെന്റ് ജോസഫ് ഇംഗ്ലീഷ് സ്കൂളിലെ പത്താം ക്ലാസ് വിദ്യാർത്ഥി മുഹമ്മദ് ഇമ്രാൻ ഡിസൈൻ ചെയ്ത ലോഗോയാണ് തിരഞ്ഞെടുക്കപ്പെട്ടത്
اد
വയനാട് ജില്ലാ പഞ്ചായത്ത് പ്രസിഡന്റ് ഷംസാദ് മരക്കാർ, സുൽത്താൻബത്തേരി മുനിസിപ്പൽ ചെയർമാൻ ടി കെ രമേശ്, മറ്റ് ജനപ്രതിനിധികൾ,വിവിധ മേഖലകളിൽ പ്രവർത്തിക്കുന്ന പ്രമുഖർ എന്നിവർ ചെയർമാൻമാരായ കമ്മിറ്റികൾ ഇതിനോടകം പ്രവർത്തനങ്ങൾ ആരംഭിച്ചു.
മെക്ലോഡ്സ് ഇംഗ്ലീഷ് സ്കൂൾ പ്രിൻസിപ്പലും വയനാട് ജില്ലാ സഹോദയ സെക്രട്ടറിയുമായ ഡോക്ടർ ബീന.സി.എ, വയനാട് ജില്ലാ സിബിഎസ്ഇ സ്കൂൾ മാനേജേഴ്സ് അസോസിയേഷൻ സെക്രട്ടറി ഷിംജിത്ത് ദാമു, സി.സി.എസ്.കെ വയനാട് ജില്ലാ ഭാരവാഹി സമീർ സി.കെ, പി.ടി.എ. പ്രസിഡണ്ട് സിജോ മാത്യു, വൈസ് പ്രസിഡണ്ട് ഫെബിൻ, ഐസൺ കെ ജോസ്, പ്രോഗ്രാം കമ്മിറ്റി കൺവീനർ അനീഷ് തോമസ് എന്നിവർ ലോഗോ പ്രകാശന ചടങ്ങിൽ സന്നിഹിതരായിരുന്നു.