മാവോയിസ്റ്റുകൾക്കുള്ള തിരച്ചിൽ ഊർജ്ജിതമാക്കി പോലീസ്. വയനാട്-കണ്ണൂർ അതിർത്തി വനമേഖലയിൽ ഹെലികോപ്റ്റർ നിരീക്ഷണം നടത്തും. നേവിയുടെ ഹെലികോപ്റ്റർ കണ്ണൂരിൽ നിന്നും ഉച്ച കഴിഞ് വയനാട്ടിലെത്തും. തലപ്പുഴയിലെ വയനാട് ഗവ. എഞ്ചിനീയറിംഗ് കോളേജ് ഗ്രൗണ്ടിൽ ഇറങ്ങുന്ന ഹെലികോപ്റ്റർ പിന്നീട് മക്കിമല, കമ്പ മല ദേശങ്ങളിലും മറ്റ് വനമേഖലകളിലും നിരീക്ഷണം നടത്തും. കണ്ണൂർ, വയനാട് ജില്ലകളിലും പോലീസ് ഓഫീസർമാർ ഇതിന് നേതൃത്വം നൽകും. മൂന്ന് തരം പരിശോധനയാണ് പോലീസ് നടത്തുക. ഇവയിൽ ഏറ്റവും പ്രധാനം ഹെലികോപ്റ്ററും ഡ്രോണും ഉപയോഗിച്ചുള്ള ആകാശ നിരീക്ഷണമാണ്. രണ്ടാമതായി സായുധ പോലീസിൻ്റെയും തണ്ടർബോൾട്ടിൻ്റെയും നേതൃത്വത്തിൽ വനമേഖലകളിൽ പരിശോധനയുണ്ടാകും. വയനാടുമായി അതിർത്തി പങ്കിടുന്ന കർണാടക, തമിഴ്നാട് അതിർത്തികളിലുള്ള വാഹന പരിശോധനയാണ് മൂന്നാമത്തേത്. ഓപ്പറേഷൻ മാവോയിസ്റ്റ് എന്ന് പേരിട്ട ഈ നടപടികൾക്ക് വയനാട് ജില്ലാ പോലിസ് മേധാവി പദം സിംഗ് നേതൃത്വം വഹിക്കും . ഉത്തരമേഖല പ്രവർത്തനങ്ങൾ ഏകോപിപ്പിക്കും. കഴിഞ്ഞ കുറച്ചു കാലമായി കമ്പ മല കേന്ദ്രീകരിച്ച് മാവോയിസ്റ്റ് ആക്രമണവും സാന്നിധ്യവും സജീവമായ സാഹചര്യത്തിലാണ് നടപടി.
മേപ്പാടി: വയനാട് ജില്ലയിലെ പോലീസ് ഉദ്യോഗസ്ഥർക്കും അവരുടെ കുടുംബാംഗങ്ങൾക്കുമായി കുറഞ്ഞ നിരക്കിലുള്ള ആരോഗ്യ പരിശോധനാ ക്യാമ്പും സ്പെഷ്യൽ പ്രിവിലേജ് കാർഡ് വിതരണവും സംഘടിപ്പിച്ച് ഡോ. മൂപ്പൻസ് മെഡിക്കൽ...
കല്‍പ്പറ്റ: ചെന്നൈയില്‍ ഇന്നലെ ചേര്‍ന്ന മുസ്ലിം ലീഗ് ദേശീയ കൗണ്‍സില്‍ യോഗത്തില്‍ പുതിയ ദേശീയ കമ്മിറ്റി പ്രഖ്യാപനമുണ്ടായപ്പോള്‍ ഏറ്റവും ആഹ്ലാദിച്ച ജില്ല വയനാടായിരുന്നു. വയനാട്ടുകാരിയായ ജയന്തി രാജന്‍...
കൽപ്പറ്റ : ചുരത്തിൽ കഴിഞ്ഞ കുറേ ദിവസങ്ങളായി ഗതാഗത തടസ്സം പതിവാകുന്നു. ഇന്നലെ മറിഞ്ഞ ലോറി ക്രെയിൻ ഉപയോഗിച്ച് നീക്കാനുള്ള ശ്രമം നടക്കുകയാണ്. അടിസ്ഥാന യാത്ര സൗകര്യങ്ങളുടെ...
ബത്തേരി: കാട്ട്പോത്തിന്റെ ആക്രമണത്തിൽ വീട്ടമ്മയ്ക്ക് പരിക്ക്. പാമ്പ്ര ഓർക്കടവ് പുനത്തിൽ പ്രേമകുമാരി (54) ആണ് പരിക്കേറ്റത് പുൽപ്പള്ളിയിൽ ജോലി കഴിഞ്ഞ് പാമ്പ്ര എസ്റ്റേറ്റ് വഴി വീട്ടിലേക്ക് പോകുമ്പോഴാണ്...
