. പുൽപ്പള്ളി:
പെരിക്കല്ലൂരിൽ വർഷങ്ങളായി ഉപയോഗിക്കുന്ന നടവഴി അയൽവാസി അടച്ചു. ഇതിനെതിരെ വയോധിക കലക്ടർക്ക് പരാതി നൽകി. അധികൃതരെത്തി 3 അടി വീതിയിൽ വഴി പുനഃസ്ഥാപിച്ച് തുറന്നു നൽകി. മുള്ളൻകൊല്ലി ഗ്രാമപ്പഞ്ചായത്തിലെ രണ്ടാം വാർഡിൽ താമസിക്കുന്ന കൊപ്പറമ്പിൽ നബീസ(85) എന്ന വയോധികയുടെ വീട്ടിലേക്കുള്ള നടവഴി തടസ്സപ്പെടുത്തി തിനാൽ അവർ ദുരിതത്തിലായിരുന്നു.. 30 വർഷമായി ഉപയോഗിക്കുന്ന വഴിയാണ് ശനിയാഴ്ച സ്വകാര്യവ്യക്തി അടച്ചത്. വർഷങ്ങൾക്ക് മുമ്പ് സ്ഥലംവാങ്ങിയപ്പോൾ മൂന്നടി വഴി കാണിച്ചാണ് ആധാരം രജിസ്റ്റർ ചെയ്തതെന്ന് നബീസ പറയുന്നു. കിടപ്പുരോഗിയായ നബീസയ്ക്ക് ആശുപത്രിയിൽ പോകാൻപോലും വഴിയില്ലാത്ത അവസ്ഥയായിരുന്നു. അസുഖം മൂർച്ഛിക്കുമ്പോൾ കസേരയിലിരുത്തിയാണ് ആംബുലൻസിലേക്ക് എത്തിക്കാറുള്ളത്. ഈ വഴിയാണ് ഇരുമ്പുകമ്പി സ്ഥാപിച്ച് കോൺക്രീറ്റ് ചെയ്ത് നടക്കാൻ സാധിക്കാത്ത അവസ്ഥയായിരുന്നു. അടിയന്തര പരിഹാരം ആവശ്യപ്പെട്ട് ഗ്രാമപ്പഞ്ചായത്തംഗം ജോസ് നെല്ലേടത്തിന്റെ നേതൃത്വത്തിൽ സബ് കളക്ടർക്കും , ജില്ലാ പോലീസ് മേധാവിക്കും, എ.ഡി.എം വില്ലേജ് ഓഫീസർ എന്നിവർക്ക് പരാതി നൽകിയിരുന്നു. തുടർന്ന് മേൽ അധികാരികളിൽ നിന്നും ഉണ്ടായ ഉത്തരവിനെ തുടർന്ന് ഇന്ന് പുൽപ്പള്ളി വില്ലേജ് ഓഫീസറും മറ്റ് ഉദ്യോഗസ്ഥരും സ്ഥലം സന്ദർശിച്ച് പരിശോധിച്ചതിനെ തുടർന്ന് പരാതിക്കാരന്റെ ആവശ്യം ന്യായമാണെന്ന് കണ്ട് വഴി തുറന്നു കൊടുത്തു.
