കൽപ്പറ്റ:: വയനാട് ജില്ലയിൽ തുടർച്ചയായുണ്ടായികൊണ്ടിരിക്കുന്ന ഉരുൾ പൊട്ടൽ ദുരന്തങ്ങളുടെ പശ്ചാതലത്തിൽ പരിസ്ഥിതി ദുരന്തങ്ങൾ ആവർത്തിക്കാതിരിക്കാനുള്ള ശക്തമായ നിയമനിർമാണം ആവശ്യമാണെന്ന ജോയിൻ്റ് കൗൺസിൽ വയനാട് ജില്ലാ കമ്മിറ്റിയുടെ അഭിപ്രായവും, നിലവിലെ പുനരധിവാസവുമായി ബന്ധപെട്ട് പ്രയോഗികമായ നിർദ്ദേശങ്ങളുമടങ്ങിയ നിവേദനം ജില്ലാ ഭരണകൂടത്തിന് സമർപ്പിച്ചു. ദുരന്തനിവാരണ പ്രവർത്തനങ്ങൾ ഏകോപിക്കുന്നതിനായി ജില്ലയിൽ ഡെപ്യൂട്ടി കളക്ടർ (ദുരന്ത നിവാരണം) തസ്തിക അനുവദിക്കണം. ചൂരൽമല, മുണ്ടക്കൈ പ്രദേശത്തെ കുടുംബങ്ങളെ പുനരധിവസിപ്പിക്കുന്നതിന് എഴുന്നൂറിലധികം വീടുകൾ നിർമ്മിക്കേണ്ടതായിവരും. ആയതിന് ആവശ്യമായതും അനുയോജ്യവുമായ ഭൂമി കണ്ടെത്തേണ്ടത്തുക, ഭൂമി ഏറ്റെടുക്കുക, സ്കൂളുകൾ, സർക്കാർ ഓഫീസുകൾ എന്നിവ പുനർനിർനിർമ്മിക്കുക, കൃഷി ഭൂമി നഷ്ടപ്പെട്ടവർക്ക് വരുമാന മാർഗം കണ്ടെത്തി നൽകുക തുടങ്ങി നിരവധി ആവശ്യങ്ങൾ പൂർത്തീകരിച്ചുകൊണ്ടുള്ള പുനരിധിവാസ പദ്ധതി പൂർത്തിയാകുന്നതിന് നിലവിലെ സംവിധാനങ്ങൾമാത്രം ഉപയോഗപെടുത്തി യാൽ 5 വർഷത്തിലധികം വേണ്ടിവരും. 2019 ൽ നടന്ന പുത്തുമല ഉരുൾപൊട്ടലിൽ 20 പേരാണ് മരണപ്പെട്ടത്. പുത്തുമല പുനരധിവാസം പൂർത്തിയാകുന്നതിന് നാല് വർഷത്തോളം സമയം എടുത്തു എന്നത് ഉദാഹരണമാണ്. ആയതിനാൽ വിവിധ വകുപ്പുകളെ കോർത്തിണക്കികൊണ്ട് പുനരധിവാസ പ്രവർത്തനങ്ങൾ അതിവേഗത്തിലാക്കുന്നതിനായി സ്പെഷ്യൽ ഓഫിസ് സ്ഥാപിക്കണമെന്നും സംഘടന നിവേദനത്തിലൂടെ ആവശ്യപെട്ടു. കൂടാതെ വയനാട് ജില്ലയിലെ പശ്ചിമഘട്ട മലനിരകളും അതിനോട് ചേർന്നുള്ള താഴ്വാരങ്ങളുമെല്ലാം അതീവ പരിസ്ഥിതി ദുർബല പ്രദേശങ്ങളായതിനാലും, തുടർച്ചയായുണ്ടാകുന്ന ഉരുൾപൊട്ടലുകളും, മണ്ണിടിച്ചിലും, ഭൂമിയിലേക്ക് കെട്ടിടങ്ങൾ താഴ്ന്ന പോകുന്ന പ്രതിഭാസങ്ങളും സാക്ഷ്യമായി നിൽക്കുന്ന സാഹചര്യത്തിലും മല തുരന്നു കൊണ്ടുള്ള നിർമ്മാണ പ്രവൃത്തികൾ പരിസ്ഥിതിയിൽ എൽപ്പിക്കാൻ സാധ്യതയുള്ള ആഘാതം തുടർന്ന് വരുന്ന അതിവർഷങ്ങളിൽ കൂടുതൽ ദുരന്തം വിതക്കുമെന്ന ആശങ്കയുള്ളതിനാൽ വയനാട് തുരങ്കപാത പുനഃപരിശോധിക്കണമെന്ന ആവശ്യവും സംഘടന മുന്നോട്ട് വെക്കുന്നു. ജില്ലാ സെക്രട്ടറി ബിനിൽ കുമാർ റ്റി.ആർ, സംസ്ഥാന കമ്മിറ്റി അംഗം കെ.എ പ്രേംജിത്ത് എന്നിവർ ചേർന്ന് നിവേദനം ജില്ലാ കലക്ടർക്ക് കൈമാറി. ജില്ലാ പ്രസിഡണ്ട് പ്രിൻസ് തോമസ്, ട്രഷറർ ഷമീർ കെ., വിനോദ് പി.എൻ, റഷീദാ പി.പി, പ്രജിത്ത് കെ.ബി എന്നിവർ സന്നിഹിതരായിരുന്നു.
കൊച്ചി:ജലാശയങ്ങളിൽ കുളവാഴകൾ സൃഷ്ടിക്കുന്ന പാരിസ്ഥിതിക വെല്ലുവിളികൾക്ക് പരിഹാരം കാണുന്നതിനും അവയുടെ ഫലപ്രദമായ മൂല്യവർദ്ധനവിനും വിനിയോഗത്തിനുമായുള്ള നൂതന മാർഗങ്ങൾ ചർച്ച ചെയ്യുന്നതിനുമായി കൊച്ചി ജെയിൻ സർവകലാശാലയുടെ ഫ്യൂച്ചർ കേരള...
2024 ജൂലൈ 30ന് ഉരുളെടുത്ത് പോയ മുണ്ടക്കൈ, ചൂരല്മല പ്രദേശത്തെ കുടുംബങ്ങള്ക്കായി തമിഴ്നാട് ജമാഅത്തുല് ഉലമ സഭ നിര്മ്മിച്ച 14 വീടുകളുടെ താക്കോല്ദാനം നാളെ പദ്ധതി പ്രദേശമായ...
ഞാന് പേടിച്ചു പോയെന്ന് ചാനലുകള്ക്ക് വാര്ത്ത നല്കിയവരോട് പറഞ്ഞേക്ക്; തിരഞ്ഞെടുപ്പ് ലക്ഷ്യമാക്കി പുനര്ജ്ജനിയുമായി ബന്ധപ്പെട്ട് ഇപ്പോള് പുറത്ത് വന്നിരിക്കുന്ന റിപ്പോര്ട്ട് ഒരു വര്ഷം മുന്പുള്ളത്; ഈ കേസില്...
. വെള്ളമുണ്ട.ജിദ്ദ കെ എം സി സി.സെൻട്രൽ കമ്മിറ്റി വൈസ് പ്രസിഡണ്ടായി തിരഞ്ഞെടുക്കപ്പെട്ട ലത്തീഫ് ചാക്കനെ വെള്ളമുണ്ട സിറ്റി ശാഖ മുസ്ലിം യൂത്ത് ലീഗ് കമ്മിറ്റി ആദരിച്ചു.റഷീദ്...
. രണ്ട് മ(ന്ത്രിതല യോഗങ്ങളിലായി സർക്കാർ കൈക്കൊണ്ട തീരുമാനങ്ങളും തൊഴിലാളികളുടെ മിനിമം കൂലി 700/- രൂപയാക്കുമെന്ന എൽ ഡി എഫിൻ്റെ പ്രകടന പത്രികാ വാഗ്ദാനവും നടപ്പിലാക്കണമെന്ന് ആവശ്യപ്പെട്ട്...
