കേരള കോൺഗ്രസ് സ്കറിയ തോമസ് വിഭാഗം വയനാട് ജില്ലാ കമ്മിറ്റി കേരള കോൺഗ്രസ് ബി യിൽ ലയിച്ചു. ജില്ലാ പ്രസിഡണ്ട് സണ്ണി മാത്യുവിൻ്റെ നേതൃത്വത്തിലുള്ളവരാണ് ബി.യിൽ ലയിച്ചത്. കൽപ്പറ്റയിലായിരുന്നു ലയന സമ്മേളനം. ഏറെ നാളത്തെ ചർച്ചകൾക്കൊടുവിലാണ് കേരള കോൺഗ്രസ് സ്കറിയ തോമസ് വിഭാഗം കേരള കോൺഗ്രസ് ബി യിൽ ലയിച്ചത്. കൽപ്പറ്റ എം.ജി.ടി. ഹാളിൽ നടന്ന ലയന സമ്മേളനം കേരള കോൺഗ്രസ് ബി സംസ്ഥാന നേതാവും മുന്നോക്ക ക്ഷേമ കോർപ്പറേഷൻ ചെയർമാനുമായ കെ. ജി പ്രേംജിത് ഉദ്ഘാടനം ചെയ്തു. നിർണായകമായ പാർലമെൻറ് തിരഞ്ഞെടുപ്പിൽ ഇടതുപക്ഷം 20 സീറ്റിലും വിജയിക്കേണ്ടത് കാലഘട്ടത്തിൻറെ ആവശ്യമാണെന്ന് അദ്ദേഹം പറഞ്ഞു. സംസ്ഥാന സെക്രട്ടറി കെ ഭഗീരതൻ പിള്ളയുടെ അധ്യക്ഷതയിലായിരുന്നു ലയന സമ്മേളനം. സംസ്ഥാന ജനറൽ സെക്രട്ടറി അഡ്വക്കേറ്റ് പി ഗോപകുമാർ മുഖ്യപ്രഭാഷണം നടത്തി. ജില്ലാ ജനറൽ സെക്രട്ടറി വീരേന്ദ്രകുമാർ റിപ്പോർട്ട് അവതരണം നടത്തി. കേരള കോൺഗ്രസ് സ്കറിയ തോമസ് വിഭാഗം ജില്ലാ പ്രസിഡണ്ടായിരുന്ന സണ്ണി മാത്യുവിന്റെ നേതൃത്വത്തിലുള്ളവർ കേരള കോൺഗ്രസ് ബിയുടെ പതാക ഏറ്റുവാങ്ങി. വിവിധ ജില്ലാ കമ്മിറ്റികളിൽ നിന്നുള്ള ഭാരവാഹികൾ ലയന സമ്മേളനത്തിൽ പങ്കെടുത്തു. ക്രിക്കറ്റ് താരം സജ്നാ സജീവനെ യോഗത്തിൽ വച്ച് സ്വീകരണം നൽകി. യൂത്ത് ഫ്രണ്ട് സംസ്ഥാന ജനറൽ സെക്രട്ടറി വിഷ്ണു ജി നായർ ഉപഹാരം സമർപ്പിച്ചു. ഡോ. ബെഞ്ചമിൻ ഈശോ, എൻ സി രാധാകൃഷ്ണൻ ,പീറ്റർ, ജോസ്, രഞ്ജിത്ത് തുടങ്ങിയവർ സംസാരിച്ചു.
മേപ്പാടി: വയനാട് ജില്ലയിലെ പോലീസ് ഉദ്യോഗസ്ഥർക്കും അവരുടെ കുടുംബാംഗങ്ങൾക്കുമായി കുറഞ്ഞ നിരക്കിലുള്ള ആരോഗ്യ പരിശോധനാ ക്യാമ്പും സ്പെഷ്യൽ പ്രിവിലേജ് കാർഡ് വിതരണവും സംഘടിപ്പിച്ച് ഡോ. മൂപ്പൻസ് മെഡിക്കൽ...
കല്‍പ്പറ്റ: ചെന്നൈയില്‍ ഇന്നലെ ചേര്‍ന്ന മുസ്ലിം ലീഗ് ദേശീയ കൗണ്‍സില്‍ യോഗത്തില്‍ പുതിയ ദേശീയ കമ്മിറ്റി പ്രഖ്യാപനമുണ്ടായപ്പോള്‍ ഏറ്റവും ആഹ്ലാദിച്ച ജില്ല വയനാടായിരുന്നു. വയനാട്ടുകാരിയായ ജയന്തി രാജന്‍...
കൽപ്പറ്റ : ചുരത്തിൽ കഴിഞ്ഞ കുറേ ദിവസങ്ങളായി ഗതാഗത തടസ്സം പതിവാകുന്നു. ഇന്നലെ മറിഞ്ഞ ലോറി ക്രെയിൻ ഉപയോഗിച്ച് നീക്കാനുള്ള ശ്രമം നടക്കുകയാണ്. അടിസ്ഥാന യാത്ര സൗകര്യങ്ങളുടെ...
ബത്തേരി: കാട്ട്പോത്തിന്റെ ആക്രമണത്തിൽ വീട്ടമ്മയ്ക്ക് പരിക്ക്. പാമ്പ്ര ഓർക്കടവ് പുനത്തിൽ പ്രേമകുമാരി (54) ആണ് പരിക്കേറ്റത് പുൽപ്പള്ളിയിൽ ജോലി കഴിഞ്ഞ് പാമ്പ്ര എസ്റ്റേറ്റ് വഴി വീട്ടിലേക്ക് പോകുമ്പോഴാണ്...
